У Гродне кіроўца выпіў пляшку гарэлкі і вырашыў перапаркавацца. Пацярпелі шэсць машын
У пятніцу ноччу супрацоўнікі ДАІ затрымалі п'янага кіроўцу аўтамабіля «Сітраен», які пашкодзіў 6 прыпаркаваных машын і спрабаваў з'ехаць, паведамляе ДАІ.
Каля 11 гадзіны ночы ў дзяжурную часць ДАІ паступілі 4 паведамленні пра тое, што невядомы кіроўца мікрааўтобуса пашкодзіў аўтамабілі і з'ехаў у невядомым кірунку. Інспектары аператыўна прыбылі ў раён здарэння і знайшлі 6 пашкоджаных аўто.
А вось сам аўтамабіль «Сітраен» з кіроўцам быў знойдзены недалёка ад месца ДТЗ у полі, яго затрымалі відавочцы. Кіроўцам аказаўся 37-гадовы мужчына на службовым аўто.
Медыцынскі агляд паказаў колькасць алкаголю ў яго арганізме — 4 праміле.
У пратаколе апытання мужчына сказаў, што напярэдадні знаходзіўся дома і выпіў 0,7 літра гарэлкі. Далей выйшаў з кватэры і вырашыў перагнаць службовы аўтамабіль. Але без наступстваў зрабіць гэтага не ўдалося.
Цяпер жа кіроўцу пагражае вялікі штраф, пазбаўленне права кіравання і, хутчэй за ўсё, рамонт службовага аўтамабіля.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары