«Маскі будуць сарваныя». У Мінску прайшоў Марш разгневаных жанчын АНЛАЙН
Акцыі пачалася ў раёне Камароўскага рынку перад «Лідо», потым жанчыны дайшлі праспектам Незалежнасці ад плошчы Якуба Коласа да плошчы Незалежнасці. У маршы ўзялі ўдзел каля 10 тысяч чалавек.
19:01
Яшчэ адна калона хацела зайсці на плошчу, а сілавікі іх не пускалі. Урэшце людзі прарваліся.
Нехта ідзе цяпер у касцёл, многія — гуляць, але цэнтралізаванага руху няма.
18:51
18:45
Сышлі сілавікі, што стаялі перад людзьмі ля касцёла.
18:43
18:20
Людзі ўбачылі ля дарогі аўтазакі і перамясціліся бліжэй да касцёла. Частка сышла. Некаторыя ўдзельніцы маршу ходзяць з плакатамі, на якіх — фотаздымкі людзей, пацярпелых ад дзеянняў сілавікоў.
18:02
Тым часам на плошчы з'явіўся АМАП. Саромеюць і спяваюць ім: «Ведь для солдата главное, чтобы далёкая любимая ждала».
Частка ўдзельніц «Маршу жанчын» сышла з плошчы.
З гукаўзмацняльнікаў няспынна гучаць папярэджанні пра незаконнае мерапрыемства і просьбы разысціся. На гэта ўдзельніцы мітынгу адказваюць: «Пайшоў прэч!»
18:01
17:57
Удзельніцы «Жаночага маршу» ў Мінску застаюцца на плошчы Незалежнасці. Атмасфера там спакойная. А 19-й гадзіне ў Чырвоным касцёле мае пачацца імша, на якую прыйдуць прадстаўнікі ўсіх канфесій.
17:42
Удзельніцы і ўдзельнікі маршу ладзяць карагоды і спяваюць «Купалінку» на плошчы Незалежнасці.
17:26
Жанчыны арганізоўваюцца ў велізарны карагод!
17:20
Жанчыны дайшлі да плошчы Незалежнасці. Яны чакаюць хвост калоны, а каб не было сумна, спяваюць «Воіны святла» і «Тры чарапахі».
17:15
Галава калоны дайшла да плошчы Незалежнасці, хвост каля ГУМа.
17:10
17:05
Жанчыны абступаюць бусікі без нумароў і саромеюць амапаўцаў: «Колькі каштуе сумленне?» Сёння ўдзельніц шэсця пакуль не затрымлівалі.
16:53
«Жаночы марш» тым часам рушыць у бок плошчы Незалежнасці. Жанчыны занялі палову праспекта з боку ГУМа, па другой частцы рухаюцца аўтамабілі.
16:50
Міліцыя ўпарта спрабуе прымусіць жанчын сысці з праезнай часткі, але яны не сыходзяць і ў адказ скандуюць: «Нас не спыніш».
16:48
За калонай жанчын едзе калона з шасці мікрааўтобусаў без нумароў. Яны пад'язджаюць, як толькі калона прасоўваецца на 100 метраў, і зноў устаюць у яе канцы. Пры гэтым праспект застаецца закрыты для скразнога праезду.
16:43
На падыходзе да Кастрычніцкай плошчы затрымалі двух журналістаў.
Жанчыны на праезнай частцы.
16:42
Марш жанчын у Мінску пакуль праходзіць абсалютна мірна, без дэманстрацыі сілы АМАПа, як тыдзень таму. «Яшчэ адна маленькая перамога», — сказала «Нашай Ніве» Наталля, якая прыйшла з плакатам «Не чапай студэнтаў!».
16:35
Некалькі соцень жыхарак Гомеля цяпер бяруць удзел у «Жаночым маршы». Ён праходзіць па цэнтры горада, ад універмага «Гомель» праз плошчу і праспект Леніна, па праспекце Перамогі — і зноў на ўнівермаг. Калону суправаджае міліцыя — пешшу і на УАЗах
16:30
Галава калоны дайшла да цырка.
16:25
Дзяўчаты з калоны прымусілі ўдзельніц маршу, якія прыйшлі са сцягамі Еўрасаюза і надпісам Беларусь у цэнтры, схаваць сцягі, абвінаваціўшы іх у правакацыі. «Прыбірай! Мы выйшлі самі!» — скандавалі яны.
16:10
ДАІ перакрыла рух па праспекце Незалежнасці ў бок круглай плошчы. Галава калоны ўжо на плошчы Перамогі. Некаторыя жанчыны выйшлі сёння на пратэст у жартоўных балаклавах — гэта адказ на тое, што супрацоўнікі міліцыі, у тым ліку АМАП, хаваюць свае твары.
15:59
Хвост калоны пакінуў вуліцу Харужай. Галава на плошчы Перамогі.
15:53
Многія ўдзельніцы маршу прыйшлі з маляванымі і плюшавымі пандамі, каб падтрымаць чатырох затрыманых супрацоўнікаў ІТ-кампаніі PandaDoc, супраць якіх пачатая крымінальная справа. Топ-менеджмент кампаніі раней падтрымаў пратэсты ў Беларусі.
15:36
Калона жанчын рушыла ад вуліцы Харужай да плошчы Перамогі.
15:33
«Аплата за мітынг!» — удзельніцам жаночага маршу раздаюць шакаладныя манеткі.
15:27
Да натоўпу дзяўчын падышла жанчына, якая пачала казаць, што ў Беларусі мір дзякуючы Лукашэнку і што пратэстоўцы хочуць вайны. Натоўп у адказ пачаў скандаваць «Сабачку!».
15:16
Ужо каля 1000 дзяўчат і жанчын на Камароўцы. Скандуюць: «Мы здесь власть», «Верым, можам, пераможам», «Гэта наш горад», «Кветкі лепш за кулі». Прыйшлі міліцыянты, заклікаюць разысціся, дзяўчаты крычаць ім: «Ганьба» і «Пайшлі прэч».
15:10
Дзве сотні жанчын тут ужо ёсць: хто ў белым, хто ў чорным, хто ў чырвоным. Шмат бел-чырвона-белых сцягоў, але ёсць таксама іспанскі, літоўскі, італьянскі.
14:55
Калоны і шматлікія групы жанчын рухаюцца да Камароўкі. Жанчыны пераважна апранутыя ў чорнае. Некаторыя нясуць сцягі розных краін.
Каля «Лідо» ля Камароўскага рынку сабраліся некалькі дзясяткаў чалавек.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары