Фармацэўтычная кампанія Pfizer абвясціла пра 95-працэнтную эфектыўнасць вакцыны ад COVID-19, створанай сумесна з BioNTech. Паведамленне аб завяршэнні трэцяй фазы выпрабаванняў вакцыны апублікавана на сайце Pfizer, піша meduza.io.
Як сцвярджае кампанія, вакцына паказала эфектыўнасць у залежнасці ад узросту, расы і этнічнай прыналежнасці паддоследнасць. Папярэднія вынікі выпрабаванняў паказвалі 90-працэнтную эфектыўнасць, казала Pfizer. Вакцына аказалася на 94% эфектыўная для людзей, старэйшых за 65 гадоў, сцвярджае Pfizer.
The New York Times піша, што гэтую ўзроставую групу складана абараніць з дапамогай вакцын нават ад звычайнага грыпу.
Як сказала выданню імунолаг з Ельскага ўніверсітэта Акіка Івасакі, такі вынік Pfizer «сапраўды выдатны».
Фармкампанія таксама адчыталася аб адсутнасці сур'ёзных пабочных эфектаў прэпарата.
У наступныя дні Pfizer звернецца ва ўпраўленне па кантролі за прадуктамі харчавання і лекамі пры Міністэрстве аховы здароўя ЗША па тэрміновы дазвол на вакцыну.
Першыя дозы прэпарата Pfizer, верагодна, атрымаюць медработнікі, а таксама людзі з іншых груп рызыкі, напрыклад пажылыя, піша NYT.
Pfizer і BioNTech плануюць у 2020 годзе выпусціць 50 мільёнаў доз вакцыны, у 2021 — 1,3 мільярда.
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м8
Каментары