не на ўмовах канфрантацыі з уладамі, а на канструктыўнай крытыцы ў дыялогу з ёй.
Апошнім часам можна пачуць выказваць, што лідэр Руху за Свабоду Аляксандр Мілінкевіч выступае за правядзенне дыялогу між афіцыйным Мінскам і Еўропай без усялякіх умоваў. Мы запыталіся ў палітыка, ці адпавядае гэта рэчаіснасці.
«Наша Ніва»: Аляксандр Уладзіміравіч, Вы сапраўды за дыялог без умоваў?
Аляксандр Мілінкевіч: Мая пазіцыя даўно агучана: дыялогу Еўрасаюзу і Беларусі патрэбна «дарожная мапа», або, як мінімум, план дзейнасці. Гэта мае быць пакрокавае супрацоўніцтва, рух насустрач. Эканамічнае стасункі павінны паглыбляцца ў залежнасці ад інстутыцыйных зменаў па дэмакратызацыі нашай краіны. Інакш замест трансфармацыі сённяшняй мадэлі ўлады можа адбывацца яе кансервацыя.
«НН»: А якую ролю ў дыялогу павінны адыгрываць дэмсілы?
АМ: Дэмакратычнае грамадства не павінна дазволіць уладзе імітаваць рэфармаванне і лібералізацыю. Мы павінны дамагацца сапраўдных рэформаў і, у першую чаргу, запрапанаваць сваю праграму паэтапных пераўтварэнняў у краіне. І
не на ўмовах канфрантацыі з уладамі, а на канструктыўнай крытыцы ў дыялогу з ёй. Аб’яднанне і стварэнне апазіцыі новага тыпу павінна мець у сваёй аснове адзінства ідэяў і бачання будучыні Беларусі, а не прынцып «супраць каго сябруем».У палітыцы павінна быць барацьба ідэяў, а не асабістых амбіцыяў. У аснову аб’яднання палітычных сілаў павінна быць пакладзена адзіная ідэалогія. З пачаткам дыялогу ЕЗ і Беларусі актуальнай і магчымай для новай апазіцыі робіцца еўрапейская ідэя — ідэя еўрапейскай інтэграцыі як будучыні Беларусі. Гэта ідэя выдатна спалучаецца з нацыянальнай і з прынцыпам захавання незалежнасці.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары