Для супрацоўнікаў БМЗ у Жлобіне, якія спрабавалі пачаць страйк, пракурор запатрабаваў па 3 гады калоніі
У Жлобіне судзяць работнікаў Беларускага металургічнага завода, якія 17 жніўня спрабавалі пачаць страйк. Тады была спынена праца ўсіх трох печаў.
На сустрэчы з працоўнымі 17 жніўня кіраўніцтва абяцала, што нікога не будзе караць. Пазней СК завёў крымінальную справу за «арганізацыю і правядзенне незаконных групавых дзеянняў, якія груба парушаюць грамадскі парадак і спалучаныя з відавочным непадпарадкаваннем законным патрабаванням прадстаўнікоў улады» (артыкул 342 КК).
Судзяць Ігара Поварава, Аляксандра Баброва і Яўгена Говара. У асобную вытворчасць выдзелена крымінальная справа ў дачыненні да Паўла Магідава. Ён вымушаны быў з'ехаць за мяжу.
17 жніўня ў знак пратэсту супраць фальсіфікацыі выбараў і міліцэйскага гвалту яны разам з іншымі работнікамі перакрылі дарогу для тэхналагічнага транспарту на заводзе.
Справу разглядае суддзя Яўген Ерафееў, дзяржаўны абвінаваўца — Андрэй Аношка.
1 лютага пракурор прыйшоў да высновы, што віна траіх абвінавачаных даказаная цалкам, і прасіў пакараць кожнага трыма гадамі пазбаўленьня волі.
Страты прадпрыемству (больш за тысячу рублёў) абвінавачаныя кампенсавалі, таму завод не мае да іх матэрыяльных прэтэнзій.
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка11
Каментары