Французская фармацэўтычная кампанія Sanofi сумесна з брытанскім партнёрам GSK паведаміла аб паспяховым завяршэнні другога этапу тэставання сваёй вакцыны супраць COVID-19. Выпрабаванні паказалі высокі ўзровень выпрацоўкі антыцелаў пасля адной дозы прэпарата.
Пра гэта паведамляе прэс-служба французскай кампаніі, піша РБК-Украіна.
Адзначаецца, што прамежкавыя вынікі другой фазы паказалі ад 95% да 100% выпрацоўкі антыцелаў пасля другой ін'екцыі ва ўсіх узроставых групах (ад 18 да 95 гадоў).
«Пасля адной ін'екцыі ва ўдзельнікаў (даследавання) выяўляўся высокі ўзровень антыцелаў да SARS-CoV-2, што сведчыць аб вялікім патэнцыяле вакцыны», — гаворыцца ў паведамленні.
Адзначаецца, што ў другім этапе даследаванняў удзельнічалі 722 добраахвотнікі.
Чакаецца, што ў наступныя тыдні пачнецца асноўнае даследаванне ў рамках трэцяй фазы. На гэтым этапе да тэставання плануюць прыцягнуць 35 000 дарослых чалавек з шырокага кола краін. Мяркуецца выяўленне ўзроўню эфектыўнасці супраць класічнага варыянту каранавіруса з Уханя і паўднёва-афрыканскага штаму.
У выпадку паспяховых выпрабаванняў вакцына можа быць зацверджана ў чацвёртым квартале 2021 года.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары