У Мінску глуханямыя збівалі такіх жа і прымушалі прадаваць сувеніры
Трое глуханямых беларусаў выкрадалі мужчын з парушэннем слыху, патрабавалі ў іх грошы, збівалі, а таксама прымушалі гандляваць сувенірамі. Двое падазраваных затрыманыя, адзін — у вышуку.
Першы выпадак здарыўся 28 студзеня, паведамляе Генпракуратура.
Трое глуханямых мужчын на адной з АЗС (27 і 30 гадоў) выкралі іншага мужчыну з парушэннем слыху. Яго адвезлі ў гараж у Мінску, дзе патрабавалі аддаць ім грошы, пагражалі гвалтам, потым прымусілі яго гандляваць сувенірамі, а частку выручкі забіралі сабе. Для застрашвання мужчыну збілі.
Наступны выпадак адбыўся ў ноч на 31 студзеня. Яны пераследавалі аўтамабіль таксі, у якім ехаў мужчына з парушэннем слыху. Пасля спынення машыны на вуліцы Масюкоўшчына яны з прымяненнем гвалту заштурхалі яго ў салон свайго аўтамабіля. Перавезлі яго ў той жа гараж, дзе трымалі ў падвале, збівалі і патрабавалі грошы. Агледзелі кішэні, забралі рэчы, у тым ліку і мабільны тэлефон. Гэтага мужчыну яны таксама прымусілі прадаваць сувеніры.
У дачыненні да мужчыны была ўзбуджаная крымінальная справа па артыкулах «Выкраданне чалавека», «Разбой» і «Вымагальніцтва». Мужчынам пагражае да 15 гадоў пазбаўлення волі.
Двое мінчан знаходзяцца пад вартай. Яшчэ адзін удзельнік групы — у вышуку. Справа накіравана ў суд.
Цяпер чытаюць
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ3
Каментары