Расія — Польшча, Шатландыя — Украіна: вызначылася сетка стыкавых матчаў ЧС па футболе
У пятніцу прайшло лёсаванне стыкавых матчаў адборачнага турніру ў Еўропе да чэмпіянату свету па футболе, што пройдзе ў лістападзе-снежні наступнага года ў Катары.
10 камандаў выйшлі на ЧС з першага месца ў сваіх групах. Гэта зборныя Англіі, Нямеччыны, Швейцарыі, Іспаніі, Бельгіі, Нідэрландаў, Харватыі, Даніі, Сербіі, Францыі.
Каманды, якія занялі другія месцы ў групах, а таксама дзве найлепшыя каманды па выніках Лігі нацый (усяго 12) разыграюць тры пуцёўкі. Раней дастаткова было выйграць адзін стык, цяпер каманда правядзе два стыкавыя матчы з дзвюма зборнымі:
Шлях А: Шатландыя — Украіна, Уэльс — Аўстрыя.
Шлях В: Расія — Польшча, Швецыя — Чэхія.
Шлях С: Італія — Паўночная Македонія, Партугалія — Турцыя.
The semi-finals are set for the European play-offs!
One team from each of the 3 paths will reach the #WorldCup pic.twitter.com/cvkFwdzQoX
Гэта азначае, што пераможца матча Шатландыя — Украіна згуляе з пераможцам матча Уэльс — Аўстрыя, а пераможца двубою Расія — Польшча з пераможцам Швецыя — Чэхія.
Адпаведна, Украіна свой матч супраць Шатландыі правядзе ў гасцях (матча ў адказ не будзе), а Расія супраць Польшчы — дома.
Гульні пройдуць у сакавіку наступнага года.
Цяпер чытаюць
«Мама плакала тры дні, а тата не размаўляў год». Казашка выйшла замуж за беларуса — і сутыкнулася з хэйтам9
Каментары