Літоўская чыгунка не будзе перавозіць угнаенняў «Беларуськалія»
Літоўская чыгунка паведаміліа, што з 1 лютага не будзе перавозіць прадукцыю «Беларуськалія», які трапіў у санкцыйны спіс ЗША.
Літоўская чыгунка не будзе перавозіць прадукцыю «Беларуськалія», як таго прасілі тры беларускія кампаніі-пасярэднікі.
Прадпрыемства паведаміла, што адхіліла заяўкі кампаній аб перавозцы калійных угнаенняў. У прэс-рэлізе, аднак, гаворыцца, што, калі яны прадставяць новыя заяўкі з новымі аргументамі, то спатрэбіцца трывалая прававая аснова для адхілення такіх заявак.
Літоўская чыгунка таксама атрымала і заяўкі яшчэ дзвюх кампаній — літоўскай Lit Salt Trade і Belintertrans Baltik — на перавозку ўгнаенняў «Беларуськалія». Наконт першай з іх ЛЧ ужо звярнулася ва ўрадавую камісію нацыянальнай бяспекі, а наконт другой — плануе звярнуцца.
Каментары