Адноўлены першасны выгляд старажытнага помніка «Сцебярацкія быкі» + фота
Сябры Таварыства аховы помнікаў упарадкавалі на Вілейшчыне старажытны помнік «Сцебярацкія быкі». Валуны сёлета былі пашкоджаны вандаламі.
Сябры Таварыства аховы помнікаў упарадкавалі на Вілейшчыне старажытны помнік «Сцебярацкія быкі». Валуны сёлета былі пашкоджаны вандаламі.
Як паведаміў адзін з удзельнікаў акцыі Аляксей Лужынскі, летам выявілася пашкоджанне гэтага помніка. А на месцы самага паўночнага каменя, які быў звернуты ўбок, была выкапана вялікая яма.
– Верагодна, што гэта зрабілі непрафесійныя «чорныя капальнікі». Бо нават у інтэрнэце шмат інфармацыі пра тое, што на гэтым месцы навукоўцамі праводзіліся даследванні. І ніякіх скарбаў тут не было знойдзена. А можа гэта былі зусім і не «чорныя капальнікі», а звычайныя вандалы.
Помнік уяўляе сабой пяць валуноў, якія размешчаны адзін за адным па лініі поўдзень-поўнач. Адны навукоўцы лічаць, што камяні маглі служыць язычніцкім капішчам. Выява рогаў-рытонаў на «быках» у некаторых культурах звязана менавіта з паганствам. Іншыя лічаць, што гэта старажытная абсерваторыя. І на камянях выяўлена нябеснае сфера ў розныя поры года. Таксама «Сцебярацкія быкі» маглі быць надмагільнымі камянямі на месцы старажытнага пахавання.
– Гэта значны помнік, – адзначае Аляксей. – Яго трэба даглядаць. Бо ў Беларусі гэта адзіны прыклад выявы рогаў-рытонаў на камянях.
***
Рытон – гэта пасудзіна для пітва ў выглядзе рога жывёлы. Рытон часта выкарыстоўваўся ў сакаральных абрадах узлівання віна ў гонар таго ці іншага бога.
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства13
Каментары