Захаду не хапае боепрыпасаў для Украіны на доўгую вайну — брытанскі міністр абароны
У Захаду аказалася недастаткова боепрыпасаў для падтрымкі Украіны ў доўгай вайне. Пра гэта 23 чэрвеня заявіў міністр абароны Вялікабрытаніі Бэн Уолес, выступаючы ў Лондане, піша «Свабода» са спасылкай на The Times.
Ён дадаў, што Вялікабрытанія, ЕС і ЗША не былі гатовыя да тых пагроз, з якімі яны сутыкнуліся, і ўжо шмат у чым зрасходавалі свае запасы. Паводле слоў міністра, заходняя тэхніка, якая пастаўляецца Украіне, добра праяўляе сябе на перадавой, але шляхі забеспячэння не наладжаныя.
The Times паведамляе, што Украіна ўжо атрымала каля 300 тысяч адзінак артылерыйскіх боепрыпасаў.
Паводле даных Каралеўскага аб'яднанага інстытута абаронных даследаванняў, кожны дзень расійскае войска выкарыстоўвае для артылерыйскіх абстрэлаў больш за сем тысяч снарадаў. Калі ўкраінская армія расходуе столькі ж снарадаў, колькі і расійская, то наяўных боепрыпасаў хопіць Украіне на крыху больш чым 40 дзён. Пасля гэтага спатрэбяцца новыя снарады, якія, магчыма, Захад цяпер паставіць не зможа.
Прэмʼер-міністр Вялікабрытаніі Барыс Джонсан і Уолес 20 чэрвеня правялі перамовы з лідарамі ваеннай галіны Вялікабрытаніі аб актывізацыі паставак зброі. Уолес сказаў, што Мінабароны вядзе перамовы пра вытворчасць большай колькасці 155-мм снарадаў і супрацьтанкавай зброі NLAW.
На пачатак чэрвеня ЗША паставілі Украіне ўзбраенне і ваенную тэхніку на суму больш за чатыры мільярды даляраў. Ваенную дапамогу Украіне аказваюць таксама Еўрасаюз, Вялікабрытанія, краіны Вялікай сямёркі і некаторыя іншыя дзяржавы.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары