Старт ацяпляльнага сезона кожная вобласць вызначыць сама, не трэба чакаць рашэння з цэнтра.
Пра гэта распавёў першы намеснік міністра жыллёва-камунальнай гаспадаркі Генадзь Трубіла ў эфіры тэлеканала «Беларусь 1». Таксама ён выказаў меркаванне, калі батарэі ў кватэрах могуць пацяплець.
Генадзь Трубіла нагадаў умовы для старту ацяпляльнага сезона: пяць дзён запар сярэднясутачная тэмпература павінна быць на ўзроўні +10 градусаў і ніжэй. Традыцыйна пачынаюць падключэнне з дзіцячых садоў і школ.
Першы намеснік міністра ЖКГ не даў дакладнага адказу на пытанне, калі пачнецца ацяпляльны сезон, але выказаў здагадку, што гэта здарыцца не раней за 1 кастрычніка, калі ўсталюецца патрэбнае надвор'е.
Нагадаем, летась батарэі ў мінскіх кватэрах сталі цяплець рана, 22 верасня, і гэта быў рэкорд за доўгія гады. У 2020-м прыйшлося чакаць ажно 13 кастрычніка.
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары