У Гродне разгледзяць праект другой чаргі рэканструкцыі Старога замка
Будзе абмяркоўвацца рэстаўрацыя палаца Стэфана Баторыя, заявіла начальніца упраўлення культуры Гродзенскага аблвыканкама Алена Клімовіч.
Па словах чыноўніцы, летась значным стала адкрыццё першай чаргі рэканструкцыі аб’екта. Зараз вядзецца актыўная праца па стварэнні інтэр’ерных экспазіцый у Старым замку. Плануецца, што будуць завершаныя Замкавая капліца, каралеўская лазня, пакоі чыноўніка. Што тычыцца алебастравай залы — месца адпачынку караля, то там вельмі складаны камін, таму ёсць верагоднасць, што працы завершацца ў 2023 годзе.
Усе памяшканні, паводле Алены Клімовіч, аднаўляюцца па аналагах XVI стагоддзя. Работы выконваюць спецыялісты «Белрэстаўрацыі».
«Адна з такіх складаных і важных задач, якую зараз мы вырашаем, — праектаванне другой чаргі Старога замка. Яна ўключае сам палац Стэфана Баторыя. Літаральна ў гэтыя дні будзе разглядацца ўжо праект па рэканструкцыі будынка каралеўскага палаца, над якім вялася праца цэлы год», — заявіла Клімовіч.
Каментары
пытанне: што аднаўляюць? Гатычны замак часоў Вітаўта Вялікага, ці рэнесансны
замак часоў Сцёпы Баторыя? Выглядае, што, насамрэч, рэнесансны замак часоў Баторыя… Ну, дык такі ж
купал з выявай замка і на гравюры – рэнесансны! З гэтай нагоды, як памятаецца,
было шмат публікацый на тэму абмеркавання прапорцый і памераў гэтага купала –
на прыкладзе падобных замкаў Эўропы з такім жа рэнесансным купалам. Улічылі
заўвагі палякаў…Галоўнае, каб усё
было навукова абгрунтаваным!
Аднавіць замак
адзін да аднаго, не маючы тысячаў гравюраў і фота – не магчыма!!!!!!!! І вы
думаеце, што замак Баторыя стаяў там 400 гадоў без зменаў? Кожнае дзесяцігоддзе
нешта дабудоўвалі, змянялі… Як на сённяшні розум, вобразна кажучы, былі б
гаспадары замка нязменныя, там бы даўно праклалі б каналізацыю, вадаправод,
вентыляцыю, керамічную дахоўку замянілі б металадахоўкай, прыбудавалі б трансфарматарную падстанцыю і г.д.…
Галоўнае, каб
праект быў навукова абгрунтаваны…
Юзік са станцыі Крулеўшчына, смяецеся?) раней, у мінулыя стагодзі, ніхто не пераймаўся ніякай рэканструкцыяй-рэстаўрацыяй
перабудоўвалі па модзе, па ўласным гусце і наколькі грошаў хопіць)