Прапагандыст Барыс Карчэўнікаў, блогер Дзмітрый «Гоблін» Пучкоў, кінарэжысёр Мікіта Міхалкоў, спявак Рыгор Лепс, магчыма, трапяць пад санкцыі ЕС. Пра гэта паведамляе выданне EUObserver, якое азнаёмілася з праектам новага пакета санкцый.
Праект дзявятага пакета санкцый ЕС супраць РФ уключае абмежаванні ў дачыненні да 144 фізічных асоб, у тым ліку знакамітасцяў, блогераў і тэлевядучых, адказных за прарасійскую прапаганду. Пра гэта паведамляе выданне EUObserver, якое азнаёмілася з праектам дакумента.
Так, EUObserver анансуе санкцыі супраць тэлевядучых Барыса Карчэўнікава, Марыны Кім і Сяргея Міхеева, спевака Рыгора Лепса, блогера Дзмітрыя «Гобліна» Пучкова, рэжысёра Мікіты Міхалова, а таксама сям'і бізнэсоўца Юрыя Кавальчука.
Абмежаванні закрануць пяцярых кіраўнікоў тэлеканалаў Рэн ТБ і «ТБ-Навіны». У НТБ/НТБ-Мір, «Расія-1» і Рэн ТБ адклічуць ліцэнзіі на вяшчанне ў краінах ЕС, паведамляе EUObserver.
Акрамя таго, улады ЕС збіраюцца замарозіць еўрапейскія актывы Усерасійскай дзяржаўнай тэле– і радыёвяшчальнай кампаніі і «Нацыянальнай Медыя Групы».
7 снежня Еўракамісія анансавала дзявяты пакет санкцый супраць Расіі. Раніцай 12 снежня кіраўнік дыпламатыі ЕС Жазэп Барэль адзначыў, што міністры замежных спраў краін Еўрасаюза маюць рознае меркаванне з нагоды новых санкцый. Ім трэба дамагчыся згоды па шэрагу пытанняў, што будзе няпростай задачай, адзначаў Барэль.
У гэты ж дзень, па даных ТАСС, кіраўнікі знешнепалітычных ведамстваў ЕС не змаглі ўзгадніць дзявяты пакет санкцый, праект вярнулі на разгляд пастаянных прадстаўнікоў.
-
Жанчына дапамагла беларускаму ўцекачу незаконна перайсці мяжу — праз гэта ёй адмовілі ў польскім грамадзянстве. Што вырашыў суд
-
У Маскве забілі і расчлянілі школьніка. Яго парэшткі кінулі ў сажалку
-
Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ14
Каментары