Афіша

Кіно на выходных

Д’ябал з нафталіну

У кінапракаце – працяг і паўтор клясычных стужак Рычарда Донэра. «Вяртаньне Супэрмэна» ды «Омэн 666».

«Вяртаньне Супэрмэна» («Superman Returns»)

ЗША–Аўстралія, 2006, каляровы, 154 хв.

Жанр: кінакомікс

Адзнака: 4 (з 10)

Пасьля шасьцігадовых вандровак па космасе Супэрмэн вяртаецца на Зямлю. Кінутая каханка Лоіс Лэйн адпомсьціла артыкулам «Чаму Супэрмэн непатрэбны?» дый наладзіла асабістае жыцьцё, бартануўшы мужчыну сваёй мары. І толькі нягоднік Лекс Лютэр памятае пра былога ворага. Лысы інтрыган крадзе крышталі плянэты Крыптон і пагражае цэламу сьвету...

Стваральнікі «Вяртаньня» яўна ня ведаюць, што рабіць з адроджаным Супэрмэнам. Вялыя сямейныя праблемы з таемным каханьнем і дзіцём-астматыкам, ураздроб – прыгоды й выратаваньні і непрыхавана халтурны Кевін Спэйсі ў ролі кінанягодніка. Глямурны Брэндан Рут у блакітным касьцюмчыку ня мае харызмы колішняга Супэрмэна – Крыстафэра Рыва. А калі супэргерой паўтарае подзьвіг Заснулае прыгажуні – гэта выглядае на зьдзек.

Рэжысура Браяна Сынгера («Людзі- Х») – апатычна-камэрцыйная: катастрофы самалёта, жаночы віск і Марлон Брандо вылучаюцца. Сярод рэанімаваных масак Марлон Брандо – самы жывы. Супэрмэнаў тата сьцягнуты з выкінутых нарэзак папярэдніх фільмаў. Памерлы Брандо пратэставаць ня мог.

Усё ж сцэнарныя прыдумкі карціны саступаюць трэшавым ляпам «Беларусьфільму»: вялікія грошы дазваляюць зрабіць цукерку зь любой сыравіны.

«Омэн 666» («Omen»)

ЗША, 2006, каляровы, 110 хв.

Жанр: містыка

Адзнака: 3,5 (з 10)

Жонка амэрыканскага дыплямата перанесла цяжкія роды. Дзіця сканала, і муж употайкі ўзяў на выхаваньне хлопчыка, якога выдаў за свайго сына. Празь пяць гадоў дыплямат пачынае падазраваць, што яго сын – антыхрыст.

Карціна Джона Мура амаль не адступае ад арыгіналу Рычарда Донэра. Чорны сабака-ахоўнік, нянька-сатаністка (Мія Фэроў са звычкамі Шапакляк), зьляканыя малпы, адсечаная галава. Як і ў карціне 30-гадовай даўніны, сын д’ябла зьнішчае людзей на сваім шляху – і мае анёльскі выгляд дзіцяці.

Але зусім ня страшна. Джон Мур пужае рэзкімі гукамі й зьменаю плянаў, што добра вядома зь японскіх жахавак. Найбольшы кашмар фільму – ігра Ліва Шрайбэра (дыплямата Торна). Адсутнасьць акторства нязграбна кампэнсуюць закадравымі грымотамі. Дарэмна.

Справа ня толькі ў талентах, сам час зьмяніўся.

Каментары

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць