Намеснік кіраўніцы Аб’яднанага пераходнага кабінета Валер Кавалеўскі цяпер знаходзіцца з працоўным візітам у Вашынгтоне. Падчас візіту запланаваныя сустрэчы ў Пентагоне, Дзяржаўным дэпартаменце і Радзе нацыянальнай бяспекі ЗША, у камітэтах па замежных справах абедзвюх палат Кангрэса ЗША, у аналітычных цэнтрах і з беларускай дыяспарай, паведамляе прэс-служба Кабінета.
Ключавымі для запланаваных сустрэч, як паведамляецца, стануць наступныя тэмы:
- падтрымка ЗША і міжнароднай супольнасцю намаганняў беларусаў у справе абароны незалежнасці і суверэнітэту Беларусі;
- меры па рэагаванні на пашырэнне ўдзелу рэжыму Лукашэнкі ў расійскай агрэсіі супраць Украіны;
- каардынацыя дзеянняў на міжнароднай арэне ў справе абароны незалежнасці і суверэнітэту Беларусі і аднаўлення дэмакратыі;
- павелічэнне дапамогі ЗША для беларускай грамадзянскай супольнасці, у тым ліку рэпрэсаваных і палітзняволеных;
- актывізацыя ўдзелу Кангрэса ЗША ў беларускім пытанні.
Цяпер чытаюць
Лукашэнка сустракаецца са спецпасланнікам Трампа Кітам Келагам1
Каментары