Грамадства11

Старонкі ў сацсетках украінскага дэпутата Ганчарэнкі прызналі ў Беларусі «экстрэмісцкімі». Той адказаў

Старонкі ў сацыяльных сетках дэпутата Вярхоўнай Рады Украіны і лідара міжпартыйнай групы «За дэмакратычную Беларусь» Аляксея Ганчарэнкі прызнаныя «экстрэмісцкімі матэрыяламі». «Мною гэта ўспрымаецца з пэўным гонарам», — каментуе палітык «Нашай Ніве» гэтае рашэнне рэжыму.

Аляксей Ганчарэнка. Фота: сацыяльныя сеткі палітыка

«Калі абсалютна злачынны рэжым Лукашэнкі кажа, што для яго ты вораг і ён баіцца цябе, тое прыемна. Значыць, раблю ўсё правільна», — каментуе Аляксей Ганчарэнка.

Ён лічыць, што нагодай для прыняцця рашэння аб прызнанні яго старонак у сацыяльных сетках «экстрэмісцкімі» стаў даўні пост са згадкай Лукашэнкі.

У ім гаварылася, што «ў наступны Дзень незалежнасці Украіны Лукашэнка будзе вісець на слупе. І беларускі народ будзе вольны і будзе жыць у дэмакратычнай дзяржаве».

У жніўні 2022 года на Ганчарэнку ў Беларусі завялі крымінальную справу. У выказванні ўкраінскага палітыка Генеральная пракуратура Беларусі ўгледзела «гвалт ці пагрозу адносна службовай асобы, якая выконвае службовыя абавязкі» і «дыскрэдытацыю Рэспублікі Беларусь». За пяць мінулых месяцаў звестак пра яе ход не было.

«Я толькі магу паўтарыць, што рана ці позна Лукашэнка будзе на лаве падсудных», — адзначае Аляксей Ганчарэнка.

Ён лічыць, што сваёй дзейнасцю дужа «нервуе» Лукашэнку. Рэагаваць на прызнанне сваіх сетак у Беларусі «экстрэмісцкімі матэрыяламі» не збіраецца.

«Звяртацца да Лукашэнкі я буду толькі, калі пабачу яго на лаве падсудных. Найвыразнейшы адказ яму — гэта тое, што з маім удзелам Парламенцкая асамблея Рады Еўропы прыняла на мінулым тыдні рашэнне, што неабходна ствараць міжнародны трыбунал супраць Пуціна і Лукашэнкі. Ніякага іншага адказу яму даваць не трэба», — кажа Аляксей Ганчарэнка.

Украінскі палітык вядомы сваёй крытыкай рэжыму Лукашэнкі, падтрымкай беларускага дэмакратычнага руху і Палка Каліноўскага, з прадстаўнікамі якога сустракаўся. Ганчарэнка ініцыяваў збор подпісаў пад петыцыяй з заклікам разарваць дыпламатычныя адносіны з Беларуссю. 

26 студзеня Парламенцкая асамблея Рады Еўропы зацвердзіла свае патрабаванні аб стварэнні спецыяльнага трыбунала для судовага пераследу Пуціна і Лукашэнкі, прызнаных вінаватымі ў агрэсіі супраць Украіны.

«Наша Нiва» — бастыён беларушчыны

ПАДТРЫМАЦЬ

«Мы не вызначаем, хто ёсць беларускім лідарам». Украінскі дэпутат — пра каліноўцаў, палітыку і выплаты сем'ям загінулых

Генпракуратура Беларусі распачала крымінальныя справы супраць украінскага дэпутата Ганчарэнкі

Парламенцкая асамблея Рады Еўропы пацвердзіла супольную адказнасць за вайну кіраўніцтва Расіі і Беларусі

Каментары1

  • Чаркашкварка
    31.01.2023
    I правiльна адказау ....
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Усе навіны →
Усе навіны

Трамп: Пуцін не разумее, што, калі б не я, з Расіяй ужо шмат рэальна кепскага б здарылася15

«І вось гэта вось зрабілі з народам!» Азаронак выдаў за ўкраінку французскую тыктокерку — усё з-за сіняга і жоўтага8

Класнаму гомельскаму медыяпраекту «Флагшток» трэба фінансавая падтрымка1

«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку20

Настаўніца з Кобрына расчуліла тыкток відэа з лістамі ад бацькоў

Уводзяцца новыя правілы для аўтамабільных парковак2

«Калі позву адправілі памылкова, грамадзянін павінен гэта даказаць». У Гомелі ў міліцыю выклікаюць тых, хто не парушаў закон5

Сілавікі пагражаюць коміку Усовічу, які прыехаў адпачыць на Нарач6

Як у медуніверсітэтах вырасла колькасць мэтавікоў за апошнія гады — змены істотныя

больш чытаных навін
больш лайканых навін

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць