«Лукашэнка не хоча, каб народ павесіў яго на ліхтарні». Болтан расказаў «Парашэнку» пра паездку ў Мінск у 2019-м
Расійскія пранкеры Ваван і Лексус разыгралі экс-дарадцу прэзідэнта ЗША па нацыянальнай бяспецы Джона Болтана, выдаўшы сябе за Пятра Парашэнку. Падчас гутаркі Болтан заявіў, што ў 2019 годзе прыязджаў у Мінск, каб ацаніць, ці змогуць ЗША прымусіць Аляксандра Лукашэнку адвярнуцца ад Масквы. Фрагменты размовы, датычныя Беларусі, цытуе Reform.by.
«І я сапраўды лічыў, што НАТА стварыў гэтую праблему ў многіх дачыненнях, спыніўшы сваё пашырэнне і пакінуўшы шэрую зону ў Малдове, Беларусі, Украіне, дазволіўшы тым самым рускім ствараць праблемы там. Тады Пуціну было б складаней наступаць, калі б Лукашэнка быў на нашым баку.
А калі ён быў слабы, мы маглі б усё ўзяць у свае рукі і адбіць Данбас. Так, правільна. І я думаю, у ЗША гэта знайшло б вельмі вялікую падтрымку. Так што ў нас было шмат страчаных магчымасцяў, у гэтым няма ніякіх сумневаў», — заявіў ён.
Болтан прызнаўся, што не мог зразумець, ці шчыры з ім Лукашэнка.
«Але калі з'явіліся антылукашэнкаўскія сілы, я, безумоўна, падтрымаў іх памкненні.
Але рэальнае пытанне заключаецца ў тым, як рэалізаваць гэтыя памкненні, каб Беларусь зноў не была паглынутая Расіяй. Хто ведае, хоча Лукашэнка стаць другой скрыпкай у Расіі ці не хоча, але ён дакладна не хоча, каб народ павесіў яго на ліхтарні каля аднаго з ягоных прэзідэнцкіх палацаў.
Так што гэта была яшчэ адна магчымасць, якую, як мне ўяўляецца, мы страцілі», — лічыць ён.
«Але вы дапамаглі. І Ціханоўскай таксама. Так што калі б вы маглі дапамагчы ёй нашмат мацней, я думаю, мы маглі б дамагчыся большага», — сказаў Болтану суразмоўца.
«Так, думаю, мы яшчэ многае можам зрабіць. Я думаю, што ў плане бяспекі ва Усходняй Еўропе, калі мы страцім Беларусь і яна дастанецца Расіі.
Што б ні здарылася з ваеннага пункту гледжання ва Украіне, я думаю, што ў выніку мы атрымаем перамогу. Але мы маглі страціць Беларусь і без бою. І гэта проста прывяло б да таго, што Украіна, Польшча і краіны Балтыі апынуліся б стратэгічна ў вельмі і вельмі нявыгадным становішчы», — мяркуе ён.
У жніўні 2019 года пасля візіту ва Украіну і Малдову Болтан прыехаў у Мінск, дзе сустрэўся з Лукашэнкам, а таксама міністрам замежных спраў Уладзімірам Макеем. Пазней ён ужо ў Варшаве правёў перамовы з кіраўнікамі Рады бяспекі Беларусі, Украіны і Польшчы.
Чытайце таксама:
Болтан збіраецца ў прэзідэнты. Ён тры гады таму прыязджаў у Мінск
Былы дарадца Трампа прапануе Захаду даць Лукашэнку надзейныя гарантыі, а Пуціну — «Паўночны паток»
Болтан: Лукашэнка, звярнуўшыся па дапамогу да Расіі, адмаўляецца ад улады ў Мінску
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара37
Каментары
А Лукашенко кончит не просто плохо: а очень плохо.