У Германіі ў пятніцу ў аварыю патрапіў аўтобус, у якім ехалі 12 беларусаў, паведаміла загадчыца сектара аператыўнай інфармацыі МЗС Аляксандра Шкода.
Паводле інфармацыі беларускага пасольства, ДТЗ адбылося на 105-м кіламетры федэральнай аўтастрады А2 у кірунку горада Гановера.
«У рэйсавым аўтобусе знаходзілася 12 грамадзян Беларусі, 7 з якіх атрымалі лёгкія траўмы», — удакладнілі ў прэс-службе МЗС Беларусі.
Нямецкія СМІ паведамляюць, што гэта быў польскі аўтобус, які рухаўся з Варшавы ў Бельгію. На яго борце былі пасажыры з Польшчы, Украіны, Беларусі і Бельгіі.
Па папярэдніх звестках, аўтобус з'ехаў з дарогі каля трох гадзін раніцы ў пятніцу. У выніку гэтага ён перавярнуўся і застаўся ляжаць на даху побач з шашой.
Па словах паліцыі, праверка кіроўцы на месцы на алкатэстары дала адмоўны вынік. Траса на Гановер праз ДТЗ была перакрытая дзве гадзіны.
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ10
Каментары