Літва не прапусціла на сваю тэрыторыю 32 вагоны з прадукцыяй расійскай кампаніі «Лукойл» і прыняла рашэнне вярнуць іх у Беларусь. Пра гэта паведамляе выданне Delfi.lt. Інцыдэнт адбыўся ў ноч з 7 на 8 сакавіка.
Як растлумачыў дырэктар Літоўскай чыгункі, на гэтыя 32 вагоны распаўсюджваюцца міжнародныя санкцыі. Прычым чыгуначны састаў з прадукцыяй «Лукойла» накіроўваўся ў Калінінградскую вобласць Расіі, аднак на мяжы з Літвой іх усё адно адмовіліся прапусціць і вярнулі ў Беларусь.
У ведамстве адзначылі, што па дакументах 25 фіктыўных вагонаў «Лукойла» павінны былі прайсці праз еўрапейскую краіну транзітам, бо рэалізоўваць прадукцыю павінны былі на экспарт.
Таксама ў гэты самы час яшчэ сем вагонаў «Лукойла» паспрабавалі даставіць у горад Марыямпале, аднак іх таксама вярнулі ў Беларусь.
На гэты момант яшчэ тры цыстэрны з прадукцыяй затрыманыя. Літва пакуль не вырашыла, што з імі рабіць.
Апошнім часам літоўскія ўлады выразна засведчылі сур'ёзнасць сваіх намераў не на словах, а на справе паставіць заслону расійскім і беларускім шэрым схемам, скіраваным на абыход заходніх санкцый.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку68
Каментары