Арабы дарабілі зону адпачынку на Цнянскім вадасховішчы ў Мінску
Ідзе падрыхтоўка да адкрыцця новай паркавай зоны на ўзбярэжжы Цнянскага вадасховішча ў Мінску, паведамляе агенцтва «Мінск-Навіны». Яе за кароткі тэрмін пабудавала прыватная кампанія з ААЭ.
«Застаюцца апошнія штрыхі, але ўжо сёння людзі, якія там гуляюць, бачаць пірсы, шэзлонгі, сучасныя душавыя, зону, дзе можна пасмажыць шашлык, домікі для грамадскага харчавання, спартыўныя і дзіцячыя пляцоўкі, незвычайныя скульптуры і фотазоны, амфітэатр, дзе будуць праходзіць культурныя мерапрыемствы», — расказала намесніца кіраўніка адміністрацыі Савецкага раёна Мінска Аляксандра Іговіна.
Да ўрачыстага адкрыцця 29 ліпеня падрыхтавалі адмысловую праграму, якая працягнецца ад абеду да позняга вечара і завершыцца святочным феерверкам.
Калі восенню гэтага года пабудову гэтага парку анансавалі, то абяцалі, што ён будзе «з беларускім акцэнтам, з нашымі нацыянальнымі асаблівасцямі». Ці ёсць усё гэта ў выніку — чыноўніца не сказала.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары