У Беларусь з акупаванага Данбаса было вывезена тры тысячы дзяцей
У Беларусь пад выглядам «аздараўлення» вывезлі тры тысячы ўкраінскіх дзяцей. Пра гэта заявіў у сераду пастаянны прадстаўнік Украіны пры ААН Сяргей Кісліца на пасяджэнні Рады Бяспекі па абмеркаванні абстрэлаў гістарычнага цэнтра Адэсы і партовай інфраструктуры, паведамляе «Укрінформ».
Згодна са словамі Сяргея Кісліцы, дзяцей «падвяргаюць антыўкраінскай індактрынацыі і прапагандзе, накіраванай на прышчэпку нянавісці да Украіны, яе мовы, культуры і гісторыі».
17 сакавіка Міжнародны крымінальны суд у Гаазе выдаў ордар на арышт Уладзіміра Пуціна і дзіцячага амбудсмена Марыі Львовай-Бяловай за незаконную дэпартацыю дзяцей з акупаваных тэрыторый Украіны ў РФ.
19 ліпеня міністр замежных спраў Украіны Дзмітрый Кулеба заклікаў Міжнародны крымінальны суд у Гаазе выдаць ордар на арышт генеральнага сакратара Беларускага таварыства Чырвонага Крыжа (БЧК) Дзмітрыя Шаўцова, які ў эфіры тэлеканала «Беларусь 1» прызнаўся, што арганізацыя бярэ ўдзел у вывазе дзяцей з Украіны.
23 ліпеня генеральны пракурор Украіны Андрэй Косцін паведаміў аб пачатку расследавання ў сувязі з удзелам БЧК у перамяшчэнні ўкраінскіх дзяцей на тэрыторыю Беларусі.
Цяпер чытаюць
Плача, але едзе ў Кенію ўслед за мужам: лукашэнкаўскі пул застаўся без адданай супрацоўніцы13
Плача, але едзе ў Кенію ўслед за мужам: лукашэнкаўскі пул застаўся без адданай супрацоўніцы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары