Адна з інтрыг новага футбольнага сезона: колькі нарвежац заб'е галоў.
У пятніцу стартаваў чарговы сезон футбольнай англійскай Прэм'ер-лігі. Чэмпіянат адкрываў матч «Бернлі» — «Манчэстэр Сіці», у якога ў мінулым сезоне быў трэбл.
Чэмпіён Англіі выйграў з лікам 3:0.
Сімвалічна, што першы гол у новым сезоне АПЛ забіў найлепшы бамбардзір мінулага сезона Эрлінг Холан, зрабіўшы гэта ўжо на 4-й хвіліне.
Потым ён аформіў дубль, а фінальную кропку паставіў аўтар адзінага гола ў фінале Лігі чэмпіёнаў Родры.
Холан перайшоў у «МанСіці» ў мінулым годзе з «Барусіі» і ў першы год у англійскім чэмпіянаце забіў рэкордныя 36 галоў у 38-мі матчах, абагнаўшы Эндзі Коўла і Алана Шырэра, прычым у іх было 34 галы ў 42-х матчах.
Таксама ў нарвежца было 12 мячоў у Лізе чэмпіёнаў, тры мячы ў Кубку Англіі, адзін у Кубку лігі і чатыры за зборную — усяго 56.
Хутчэй за ўсё, 23-гадовы ўнікум стане найлепшым бамбардзірам і сёлета.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў23
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары