Улада55

Статкевіч: Сустрэча суб’ектаў апазіцыйных кааліцый пераносіцца

Пра гэта паведаміў старшыня Еўрапейскай кааліцыі Мікалай Статкевіч.

Цяпер у Беларусі дзейнічаюць тры апазіцыйныя кааліцыі

— Аб’яднаныя дэмакратычныя сілы (АДС), Еўрапейская кааліцыя і «Беларускі незалежніцкі блок» (БНБ).

Ініцыятарам сустрэчы выступіў Мікалай Статкевіч. Паводле яго слоў, кааліцыям «у інтарэсах дэмакратыі неабходна стварыць агульную пляцоўку, на якой можна было б абмяркоўваць сумесную дзейнасць».

Спачатку сустрэчу планавалася правесці ў 20‑х днях лістапада, затым — 3 снежня. Існавала папярэдняя дамоўленасць аб удзеле ў сустрэчы суб’ектаў АДС і Еўрапейскай кааліцыі.

30 лістапада рада БНБ вырашыла прапанаваць усім палітычным сілам Беларусі стварыць пастаянна дзеючую кансультацыйную пляцоўку для працы па шырокім коле пытанняў і сустрэцца 7 снежня.

«Сустрэча 7 снежня не адбудзецца. У гэты дзень сустаршыні Еўрапейскай кааліцыі будуць знаходзіцца за мяжой. Сустрэча можа адбыцца ў больш позні тэрмін», — паведаміў Статкевіч.

«Хоць ідэя сустрэчы належала Еўрапейскай кааліцыі, цяпер у яе з’явіліся і іншыя ініцыятары. Гэта гаворыць аб важнасці і своечасовасці з’яўлення новай кансультацыйнай пляцоўкі. На жаль, АДС ёю быць не можа, бо першапачатковыя прынцыпы, на якіх стваралася гэтыя кааліцыя, парушаныя. У прыватнасці, замест роўнасці суб’ектаў быў прапанаваны інстытут чатырох сустаршыняў. Новая кансультацыйная пляцоўка павінна быць сфарміраваная на аснове роўнасці суб’ектаў», — сказаў Статкевіч.

У інтэрв’ю БелаПАН сустаршыня АДС, лідэр Аб’яднанай грамадзянскай партыі (АГП) Анатоль Лябедзька сказаў, што вітае ідэю кансалідацыі апазіцыйных рэсурсаў.

«Сустрэчы прадстаўнікоў розных апазіцыйных блокаў ужо праходзілі. Але сустракацца проста дзеля самой сустрэчы бессэнсоўна. У нас ёсць аб’яднальная пляцоўка — АДС. Абмяркоўваць можна толькі канкрэтныя пытанні», — сказаў Анатоль Лябедзька.

Мікалай Статкевіч прапаноўваў на сустрэчы суб’ектаў апазіцыйных кааліцый абмеркаваць тры блокі пытанняў — адносіны з Еўрасаюзам, фарміраванне спісу кандыдатаў у дэпутаты на мясцовых выбарах і стратэгію ўдзелу ў прэзідэнцкіх выбарах.

Каментары5

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі

Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі

Усе навіны →
Усе навіны

Хаменеі падрыхтаваў трох пераемнікаў на выпадак замаху на яго5

«Нам вельмі пашанцавала». 78-гадовага экс-міністра Юрыя Сівакова прызначылі прафесарам у Вайсковую акадэмію10

Пуцін запатрабаваў ад Украіны прызнаць «рэферэндумы» на акупаваных тэрыторыях і адмовіцца ад уступлення ў «любыя замежныя саюзы»3

У Глыбокім па «народным» артыкуле асудзілі краязнаўцу і даследчыка царкоўнага жыцця1

Удзельнікі Сходу неабыякавых сталі спінай да Франака Вячоркі52

«Значыць, я шмат добрага зрабіла». За што расійскую валанцёрку Надзін Гейслер, якая дапамагала ўкраінцам, прыгаварылі да 22 гадоў калоніі4

Каспяровіч памёр тры дні таму, але цела знайшлі толькі цяпер5

У Мінску прайшоў вялікі выпускны ФОТАРЭПАРТАЖ8

Кіраўнік палесцінскага падраздзялення КВІР забіты ў кватэры ў Іране

больш чытаных навін
больш лайканых навін

Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі

Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі

Галоўнае
Усе навіны →

Заўвага:

 

 

 

 

Закрыць Паведаміць