Па-беларуску ў Беларусі вучацца каля 10% школьнікаў. Нават пры канцы СССР было 22%
Каля 10% школьнікаў у Беларусі вучацца на беларускай мове, паведаміў міністр адукацыі Андрэй Іванец у эфіры праграмы «Вопрос номер один» на тэлеканале «Беларусь 1».
Паводле Іванца, 40% школ у Беларусі — беларускамоўныя.
«Напэўна, хтосьці скажа, што вельмі вялікая лічба і штосьці тут не так, — сказаў Іванец. — Так, калі казаць пра колькасць дзяцей, якія вучацца ў гэтых 40% школ — гэта каля 10%. Чаму? Таму што гэта пераважна вясковыя школы, у якіх традыцыйна праходзяць навучанне на беларускай мове».
Таксама Іванец згадаў, што сёння прыкладна кожны пяты выпускнік школаў абірае пры здачы экзамена па дзяржаўнай мове беларускую.
«Мы мяркуем, што гэта даволі добрая лічба, якая ўсяляе аптымізм. Але гэта не гаворыць пра тое, што мы не павінны надаваць асаблівую ўвагу вывучэнню нашай культуры і нашай мовы», — сказаў міністр.
Пры канцы існавання СССР па-беларуску вучыліся 22 працэнты дзяцей. У сярэдзіне 1990-х на хвалі нацыянальнага адраджэння гэтая лічба вырасла да паловы. Пасля пачалася новая гвалтоўная русіфікацыя.
«Якое дачыненне гэта мае да выхавання любові да Радзімы?» Міністру адукацыі не спадабалася загадка пра эльфаў
«Гучыць як эпічнае трызненне». У навучальных установах Брэста забараняюць песні на замежных мовах — BG.Media
Галоўчанка расказаў, колькі школ у Беларусі не паспелі падрыхтаваць да навучальнага года
У Магілёве пайшлі вучыцца ў беларускамоўны клас толькі пяць першакласнікаў
Шасці брэсцкім школам да новага навучальнага года надалі імёны савецкіх герояў
Каментары
Ганьба не Лукашэнку, а "невероятным" бацькам, якія звязваюць будучыню дзяцей з расейскай мовай і расейскай імперыяй.
Дарэчы (інфармацыя В. Портнікава) - на акупаванай частцы Запарожскай вобл. 46 адсоткаў школьнікаў будуць вучыцца па-ўкраінску. Такі выбар бацькоў ва ўмовах акупацыі.