Вайна55

Ва Украіне шукаюць беларуса, абвінавачванага ў марадзёрстве ў Бучы

Адзін з судоў Кіеўскай вобласці дазволіў супрацоўнікам паліцыі затрымаць грамадзяніна Беларусі для далейшага ягонага арышту і забеспячэння прысутнасці ў судзе па разглядзе справы паводле абвінавачання яго ў крадзяжах у час ваеннага становішча, гэта частка 4 артыкула 185 Крымінальнага кодэкса Украіны. Яму пагражае пазбаўленне волі на тэрмін ад 5 да 8 гадоў, піша «Радыё Свабода».

Адна з вуліц Бучы. Фота: Mustafa Ciftci / Anadolu Agency via Getty Images

Як адзначаецца ў судовым рашэнні, грамадзянін Беларусі, ураджэнец Магілёва, прыехаў ва Украіну ў 2020 годзе і жыў у Бучанскім раёне. Ён быў жанаты, меў сярэдне-спецыяльную адукацыю, але па статус уцекача не звяртаўся і не надаў дакументаў аб законнасці свайго пражывання ва Украіне. Ён знік адразу пасля таго, як яму выставілі абвінавачанне пасля завяршэння дасудовага расследавання.

Згодна з матэрыяламі справы, беларус цягам сакавіка 2022 года ў час расійскай акупацыі Бучы Кіеўскай вобласці абакраў некалькі прыватных будынкаў, карыстаючыся адсутнасцю гаспадароў. У некаторыя будынкі ён заходзіў па некалькі разоў.

У прыватнасці, у матэрыялах фігуруе некалькі эпізодаў, калі абвінавачваны пранікаў праз вокны ў пустыя будынкі ці ламаў дзверы і выносіў адтуль розную маёмасць, у тым ліку чатыры ноўтбукі, некалькі фотаапаратаў і прылад да іх, залатыя і срэбныя вырабы, некалькі ровараў, надзіманая лодка, ласты, скураныя рамяні, некалькі дарослых і дзіцячых гадзіннікаў, электрычныя інструменты, мабільныя тэлефоны.

Усяго следчыя высветлілі шэсць эпізодаў крадзяжу, учыненых з 17 да 28 сакавіка 2022 года, калі Буча знаходзілася пад расійскай акупацыяй. Згодна з матэрыяламі справы, беларус выкраў маёмасці больш як на 70 тысяч грыўняў, што паводле цяперашняга курса складае каля 2 тысяч даляраў у эквіваленце.

6 чэрвеня 2022 года грамадзянін Беларусі падпісаўся пад паведамленнем аб завяршэнні расследавання і магчымасці азнаёміцца з матэрыяламі справы, а на наступны дзень знік, і ягонае цяперашняе месцазнаходжанне невядома. Імя падазраванага не называецца.

Каментары5

  • mikola
    18.10.2023
    maradziora treba znaisci i pakarac....
  • бабруйчанін
    18.10.2023
    ??? В Украіне нават па заяве аб кражє толькі праз 2 дні патєліфанавалі ?? Шо у Вас там.Заутра будзеце?? А тутака у Бучє праз 1.5 гады?? Дзе " німа заяунікау" ?? Дзе якія паспелі з'ехаць мяркую яшче ні павярнулісь...Такая прыць?? Мабыць таму что грамадзянін рБ і прасцей " усе спісаць"??
    Ні смяшыце...
  • Толик Ясности
    18.10.2023
    Мародерствовать под такой жёсткой оккупацией это как вообще ?Там из дома вышел уже бах застрелили. Таких истории сотни. Думаю нашли козла отпущения. А мародерствовали там не только россияне но и сами украинцы.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Учора Мінск зноў затапіла. Чаму сталіца не гатовая да дажджоў?4

Учора Мінск зноў затапіла. Чаму сталіца не гатовая да дажджоў?

Усе навіны →
Усе навіны

«Заказаў больш, чым машын на лініі». Кіраўнік «А1 таксі» — пра цэны і беларускую мову ў дадатку2

Як самыя небяспечныя наркакартэлі свету захопліваюць Еўропу10

Багацце Ілана Маска за адзін дзень скарацілася на $34 млрд пасля сваркі з Трампам4

Намесніца рэдактара «Мінск-Навін» расказала, як змянілася яе жыццё пасля шлюбу з мусульманінам з Сірыі15

У Кіеве пад расійскім ударам загінулі трое ратавальнікаў

«Гісторыя не выклікае даверу». Польшча перадала Літве справу аб міжнароднай абароне беларускі, якая часта ездзіла ў камандзіроўкі7

«Я ведаю, што на гэтай вайне я здохну. Але хачу стварыць нармальны штуршок руху»: выйшла другая частка фільма «Волат. Жыццё на нулі»9

У Казахстане патлумачылі загадкавыя агні ноччу над краінай

Ціханоўская пра высылку з Беларусі ў жніўні 2020: Мне далі на зборы 20 хвілін43

больш чытаных навін
больш лайканых навін

Учора Мінск зноў затапіла. Чаму сталіца не гатовая да дажджоў?4

Учора Мінск зноў затапіла. Чаму сталіца не гатовая да дажджоў?

Галоўнае
Усе навіны →

Заўвага:

 

 

 

 

Закрыць Паведаміць