Культура11

Што здарылася з Барысавым каменем?

Жыхары Полацка б'юць трывогу: на камені з'явіліся дзіўныя пацёкі. 

Фота: сацыяльныя сеткі

Высечаныя на легендарным камені крыж і надпісы «ХС НІКА», што азначае «Хрыстос перамагае», і «Госпадзе, памазі рабу сваему Барысу», змянілі колер, каля іх з'явіліся пацёкі. 

У Музеі Сафійскага сабора тлумачаць: гэта не хуліганы, і не з'ява прыроды. Надпіс на камені падмалявалі знарок, «каб было чытэльней».

А гэта нармальна — падмалёўваць помнік? На такое пытанне ў аддзеле культуры Полацкага райвыканкама заявілі, што нічога не чулі пра фарбаванне Барысавага каменя, і абяцалі даслаць на месца спецыяліста, каб ён пабачыў усё на ўласныя вочы.

Барысаў камень унесены ў Дзяржаўны спіс гісторыка-культурных каштоўнасцяў. Таму на любыя дзеянні з ім павінна быць атрымана згода Міністэрства культуры.

Фота: сацыяльныя сеткі

Барысавы камяні — унікальныя помнікі ХІІ стагоддзя, манументальны праект полацкага князя Барыса Усяславіча, пры якім былі выбітыя надпісы на вялізных валунах у розных канцах дзяржавы.

З сямі ці дзясяці — даследчыкі спрачаюцца, якія з камянёў адносіць да «Барысавых», — вядомых валуноў захаваліся тры. Рэшту ўзарвалі ў савецкі перыяд. Але і з захаваных адзін не ў Беларусі, а яшчэ ў ХІХ стагоддзі быў вывезены расійскімі каланізатарамі пад Маскву, у Каломенскае. А той другі, які ў Беларусі, у Друі, расколаты.

Той Барысаў камень, які ляжыць каля полацкага Сафійскага сабора, знайшлі ў Дзвіне прыкладна за 5 кіламетраў ад Полацка, насупраць вёскі Падкасцельцы. Першая спроба выцягнуць на бераг валун з палявога шпату, абхват якога каля васьмі метраў, адбылася яшчэ ў 1889 годзе, але была беспаспяховай. У 1981 годзе да ідэі вярнуліся. Камень перанеслі ў адну з першых беларускіх сталіц. Гэта адзін з самых старажытных помнікаў беларускай дзяржаўнасці — просты і велічны адначасова.

Каментары1

  • Cамотны вандроўнік
    21.11.2023
    Але і з захаваных адзін не ў Беларусі, а яшчэ ў ХІХ стагоддзі быў вывезены расійскімі каланізатарамі пад Маскву, у Каломенскае. 

    Якая дробязная краіна побач!  Вывозяць усё, што змогуць падняць -- ад унітаза да камяня! Жахлівы народзец!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Усе навіны →
Усе навіны

Маштабны збой у трох беларускіх банках: з рахункаў знікаюць грошы9

Пад Мінскам машына збіла лася — загінулі два чалавекі, пацярпеў вядомы комік2

У Расіі хлопец на «Лексусе» эфектна вылятаў на набярэжную дзеля прыгожага відэа. Загінуў сам і дзве сяброўкі15

«Вітаем на радзіме». Беларус распавёў пра затрыманне на мяжы за лайк і сапсаваны адпачынак10

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

больш чытаных навін
больш лайканых навін

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць