У Шуміліне спынілі адміністрацыйную справу за «несанкцыянаванае пікетаванне»
Старшыня суда Шумілінскага раёна Іна Грабаўская 11 лістапада спыніла адміністрацыйную справу ў дачыненні да жыхара Віцебска Андрэя Прыстаўкі, якому ставілі ў віну правядзенне «несанкцыянаванага пікета ў інтэрнэце», піша «Віцебская вясна».
Згодна з пратаколам аб адміністрацыйным правапарушэнні, работнікамі РАУС было ўстаноўлена, што мужчына ў сваім акаўнце на фэйсбуку размясціў публікацыю, звязаную з грамадска-палітычным жыццём, у якой была яго фатаграфія з выявай БЧБ-сцяга.
Гэты факт міліцыянты расцанілі як «пікетаванне без адпаведнага дазволу выканаўчых і распарадчых органаў».
У беларускіх умовах суды звычайна проста штампуюць абвінаваўчыя прысуды па такіх справах, не разбіраючыся ў дэталях і не зважаючы на патрабаванні законаў. Але ў гэтым выпадку чамусьці адбыўся нейкі збой: суддзя палічыла, што двухмесячны тэрмін для пакарання мужчыны скончыўся, а таму не стала яго караць.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары