Навукоўцы змаглі ператварыць чалавечы кал у рэактыўнае паліва. Чаму гэта так важна?
Агенцтва Бі-бі-сі паведаміла аб паспяховым стварэнні авіяцыйнага паліва на базе чалавечых адкідаў жыццядзейнасці. Новы тып газы аказаўся значна таннейшым і экалагічнейшым за свой звычайны выкапнёвы аналаг, што можа перавярнуць усю авіягаліну і не толькі.
Брытанская кампанія Firefly Green Fuels сумесна з міжнароднымі авіяцыйнымі рэгулятарамі правяла эксперымент, у выніку якога ўдалося стварыць сапраўдную газу з чалавечых экскрэментаў.
Першыя ўзоры аказаліся амаль ідэнтычныя стандартнаму выкапнёваму рэактыўнаму паліву, але з адным важным адрозненнем — практычна поўнай адсутнасцю вугляроднага следу.
«Новая газа мае на 90% меншы вугляродны след, чым стандартнае рэактыўнае паліва. Фактычна мы стварылі невыкапнёвую, хімічна сырую нафту, вытворчасць якой патрабуе мінімальных выдаткаў энергіі і сыравіна для якой практычна невычэрпная. Гэта ашаламляльна», — кажа генеральны дырэктар кампаніі Firefly Green Fuels Джэймс Хайгейт.
Ён дадаў, што сыравіна для эксперымента была ўзятая з каналізацыі. Пэўная частка фекальнай масы падвергнулася тэрмаапрацоўцы і фільтрацыі, у выніку якой з'явілася чорная густая вадкасць, візуальна падобная да алею і хімічна падобная да сырой нафты.
Газа, якую можна зрабіць з гэтага алею, адпавядае структуры рэактыўнага авіяцыйнага паліва міжнароднай класіфікацыі Jet A-1, якое звычайна выкарыстоўваецца для грамадзянскіх і грузавых авіяперавозак.
«Па нашых разліках, кожны чалавек штогод вырабляе экскрэментаў на 4-5 літраў біяпаліва для самалётаў. Для аднаго палёту з Лондана ў Нью-Ёрк спатрэбяцца фекаліі 10 тысяч чалавек, вырабленыя за год. Столькі ж спатрэбіцца і для зваротнага палёту.
Хоць гэта рэчыва і няздольнае цалкам замяніць выкапнёвае паліва, але ў будучыні пры належным і масавым ужыванні такой тэхналогіі атрымаецца значна патанніць пералёты і зрабіць іх больш бяспечнымі для экалогіі», — расказалі Бі-бі-сі прадстаўнікі кампаніі Firefly Green Fuels.
Цяпер кампанія збірае грошы на вялізны завод на тэрыторыі Вялікабрытаніі, які будзе збіраць сыравіну для вытворчасці паліва адразу з некалькіх густанаселеных гарадоў.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары
Не ExxonMobil, канешне, але ня так і блага.