22 студзеня ў Мінску ў клубе «Рэактар» пройдзе музычны фэст «Можна!» з удзелам 9 гуртоў, сярод якіх — «Срэбнае вяселле», «Касіяпея», «НагУаль».
22 студзеня ў Мінску ў клубе «Рэактар» пройдзе музычны фэст «Можна!» з удзелам 9 гуртоў, сярод якіх —«Срэбнае вяселле», «Касіяпея», «НагУаль».
Арганізатары фэсту «Можна!» маюць даказаць, што альтэрнатыўная музыка можа карыстацца надзвычайным попытам, таму яны вырашылі зладзіць музычны маратон на ўсю ноч. Фэст пройдзе з удзелам дзевяці камандаў, кожная зь якіх па-свойму глядзіць на паняцьці «арыгінальнасьць» і «актуальнасьць». З выступоўцаў наўмысна нікога не вылучаюць: «Кожны зь іх можа адчуць сябе хэдланэйрам».
Фэст «Можна!» з удзелам камандаў зь Беларусі праводзіўся двойчы ў Маскве, праз крызыс правядзеньне канцэрту сарвалася ў Пецярбургу і ягоныя завадатары вырашылі паспрабаваць свае сілы на Радзіме: «Хоць у нас куды цяжэй зладзіць канцэрт, чым за мяжой, мы вырашылі давесьці, што альтэрнатыўная музыка можа быць папулярнай і выклікаць вялікі ажыятаж», — кажа Аляксандар Багданаў, які займаецца прадусаваньнем ажно 13 камандаў. Дзевяць зь іх можна будзе пабачыць на фэсьце «Можна!» 22 студзеня ў клюбе «Рэактар».
Частка з выступоўцаў займелі посьпех па-за межамі краіны, але ў Беларусі застаюцца невядомымі. «У Беларусі заўжды прысутнічае скептыцызм да сваіх, — разважае сьпявачка Сьвета Бень з гурта «Серебряная свадьба». — У нас думаюць: «Ай, гэтая дура зь Менску, ну што яны могуць зрабіць, акром таго, што крыўляцца». Замежнікі нас успрымаюць зусім па-іншаму, у іх неперадузяты погляд, яны адкрыты для новага».
Сярод выступоўцаў на фэсьце «Можна!» гурты, зь якімі цяпер расейскія музычныя выданьні зьвязваюць беларускі музычны прарыў у Расею. «Гэта зусім ня тая музыка, што падсоўваюць нам зь Беларусі на «Славянскім базары» ў Віцебску», — зазначыў пасьля маскоўскага фэсту «Можна!» Арцемі Троіцкі.
Адзін з выступоўцаў — гурт «Кассиопея», які выходзіць на сцэну выключна ў касьцюмах і масках. Відэа зь іх канцэрту ў маскоўскім клюбе «Икра» можна паглядзець тут.
Цяпер чытаюць
Анатоль Котаў ужо выязджаў у Турцыю і лічыў яе бяспечнай — крыніцы2
Каментары