На сэрвісах па адсочванні збояў downdetector.su і Brand Analytics карыстальнікі з Расіі масава скардзяцца на недаступнасць YouTube. Паведамленні датычацца як сайта, так і мабільнага дадатку сэрвісу, піша РБК.
Усплёск скаргаў абодва сэрвісы фіксуюць пасля 9:00 па мінскім часе.
Праблемы з доступам да сэрвісу ў Расіі назіраюцца з пачатку месяца. У некаторых расейцаў перасталі прайгравацца відэа ў высокай якасці (1080р і вышэй) у большасці папулярных браўзэраў на дэсктопах.
«Растэлекам» тлумачыў сітуацыю праблемамі з абсталяваннем Google, якая з 2022 года, пасля пачатку ваенных дзеянняў на Украіне, не займаецца яго абнаўленнем. У Google адказалі, што «гэта не з'яўляецца вынікам якіх-небудзь тэхнічных праблем або дзеянняў з нашага боку».
У ліпені кіраўнік камітэта Дзярждумы па інфармацыйнай палітыцы Аляксандр Хінштэйн заявіў аб «дэградацыі» якасці працы сэрвісу і назваў гэта вымушаным крокам з-за антырасійскай палітыкі мацярынскай кампаніі Google. Пазней ён патлумачыў падзенне хуткасці загрузкі відэа на YouTube праблемамі з захоўваннем даных у расійскіх дата-цэнтрах. Са слоў Хінштэйна, 80% аб'ёму відэакантэнту YouTube, які глядзяць расейцы, захоўваецца на серверах Google у Расіі.
Дэпутат казаў, што хуткасць загрузкі YouTube на стацыянарных кампутарах можа знізіцца да 40%, а потым — да 70%.
-
МЗС Польшчы: «Памагатары» ў рэгістрацыі на падачу на візы перасталі быць эфектыўнымі
-
Кавалеўскі: Ціханоўскія не разумеюць далікатнасці і складанасці гуманітарнага трэку, які прывёў да вызвалення 300 палітвязняў
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім33
Каментары
Есть большое желание, у власти, чтобы все сели на белтелеком и его каналы связи, там проще прослушивать, подглядывать и блокировать....
В поддержке скажут о большой нагрузке и загрузке сетей и больше ничего...