І ён не адзіны працуючы пенсіянер за 90 у сталіцы.
Ілюстратыўнае фота
У Мінску пражывае больш за 300 тысяч гараджан старэйшых за 65 гадоў. Палова з іх працягвае працаваць.
Такой статыстыкай падзялілася намеснік старшыні камітэта па працы, занятасці і сацыяльнай абароне Мінгарвыканкама Вольга Васілеўская, пішуць «Мінск-Навіны».
Па словах чыноўніцы, у Мінску працуе пенсіянер ва ўзросце 93 гадоў — гэта самы сталы працуючы чалавек у сталіцы.
Якую менавіта працу выконвае мужчына, чыноўніца не назвала.
«Характэрна, што людзі сярэбранага ўзросту захоўваюць аптымізм і доўгі час імкнуцца быць карыснымі грамадству», — распавяла Васілеўская.
На дадзены момант у Мінску 14 пенсіянераў старэйшых за 90 гадоў, якія працягваюць працаваць.
Каментары