Кабелі ў Балтыйскім моры пашкодзіў кітайскі сухагруз, які перавозіў расійскія ўгнаенні
Ён працягнуў якар 180 кіламетраў па марскім дне.
Еўрапейскія ваенныя караблі ўжо некалькі дзён утрымліваюць кітайскі гандлёвы сухагруз Yi Peng 3 у міжнародных водах. Паводле паведамленняў, судна даўжынёй 225 метраў і шырынёй 32 метры, якое перавозіла расійскія ўгнаенні, наўмысна пашкодзіла два важныя падводныя кабелі ў Балтыйскім моры, піша Bild.
Газета Wall Street Journal піша: «Гіганцкі сухагруз, які пакінуў расійскі балтыйскі порт Усць-Луга 15 лістапада, працягнуў свой якар на 111 міль (180 кіламетраў) па марскім дне, каб парваць кабелі».
Калі падазрэнні пацвердзяцца, гэта будзе чарговай атакай Расіі на крытычна важную для Еўропы інфраструктуру.
Пашкоджанні падводных кабеляў адбыліся 17 і 18 лістапада ў шведскіх водах. Першы кабель быў перарэзаны паміж Швецыяй і Літвой. У гэты момант быў адключаны транспондар судна, які фіксуе яго перамяшчэнне. Эксперты па марскіх перавозках называюць такія інцыдэнты «цёмнымі здарэннямі».
Аднак спадарожнікавыя даныя паказваюць: нягледзячы на значнае зніжэнне хуткасці, судна Yi Peng 3 працягвала рух. Яно перарэзала яшчэ адзін кабель паміж Германіяй і Фінляндыяй, а затым рухалася па зігзагападобнай траекторыі, пасля чаго падняла якар.
«Улічваючы спакойнае надвор'е і адсутнасць моцных хваль, верагоднасць выпадковага пашкоджання кабеляў якарам мінімальная», — заявіла аналітычная кампанія Kpler, якая займаецца аналізам дадзеных у галіне міжнароднага суднаходства, у інтэрв'ю для Wall Street Journal.
Расія адмаўляе любое дачыненне. «Абсурдныя і беспадстаўныя абвінавачванні», — сцвярджаюць у Крамлі. Аднак на борце кітайскага сухагруза знаходзяцца расійскія маракі.
Згодна з марскім правам, караблі НАТА не маюць права прымусіць Yi Peng 3 зайсці ў адзін са сваіх партоў. Таму нямецкія і шведскія ўлады вядуць перамовы з уладальнікам судна, каб атрымаць доступ на борт. Нямецкі патрульны карабель Bamberg таксама знаходзіцца на месцы, каб даследаваць пашкоджанні з дапамогай падводных дронаў.
-
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
-
Злучаныя Штаты могуць скараціць колькасць сваіх войскаў у Еўропе на 30%
-
Настаяцель манастыра Шаалінь трапіў пад следства па падазрэнні ў растратах і амаральным ладзе жыцця
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос4
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары