У Мазыры будуць судзіць за карупцыю былых членаў антыкарупцыйных камісій
У Гомельскім абласным судзе на наступным тыдні пачнуцца адразу два суды, звязаныя з прадпрыемствам-банкрутам ААТ «Мазырпрамбуд», піша «Флагшток», адзначаючы цікавыя нюансы.
Першы працэс — чарговы суд аб банкруцтве ААТ «Мазырпрамбуд». Другі — крымінальны працэс над ранейшымі кіраўнікамі прадпрыемства: Алегам Фельдманам (былы намеснік начальніка службы забеспячэння і маркетынгу), Аляксандрам Пухнарэвічам (былы начальнік упраўлення бухгалтарскага ўліку, справаздачнасці, фінансаў і крэдыту) і Максімам Цімошыным.
Характэрна, што Фельдман і Цімошын раней уваходзілі ў склад створаных на прадпрыемстве антыкарупцыйных камісій.
Будаўнікоў абвінавачваюць у дачы і атрыманні хабараў з абцяжарваючымі абставінамі (ч. 2 арт. 430 «Атрыманне хабару паўторна, альбо шляхам вымагальніцтва, альбо групай асоб паводле папярэдняй змовы, альбо ў значнай суме» і ч. 2 арт. 431 «Даванне хабару паўторна, альбо ў значнай суме, альбо з выкарыстаннем сваіх службовых паўнамоцтваў» КК РБ). Максімальная санкцыя па гэтых артыкулах — 5 гадоў пазбаўлення волі.
ААТ «Мазырпрамбуд» з 2017 года знаходзіцца ў стане банкруцтва, увесь гэты час дзяржава спрабуе выратаваць прадпрыемства рэжымам санацыі. Для выплаты даўгоў будаўнікі распрадаюць сваю маёмасць і эканомяць на заробках (у сярэднім яны ніжэйшыя за прапановы па рынку працы).
Сёлета для падтрымкі дзяржава даручыла «Мазырпрамбуду» завяршэнне буйнога даўгабуда — аздараўленчага цэнтра «Палессе-Арэна» ў Мазыры.
Кіраўніка крымінальнай міліцыі Клімавічаў арыштавалі за хабар. Пагражае да 15 гадоў
Судзяць гендырэктара БелАЗа. Пагражае да 15 гадоў
Мужа першага віцэ-мэра Мінска сфатаграфавалі са свежай газетай, каб даказаць, што інфармацыя пра яго арышт — фэйк. Непераканаўча — вось чаму
Першая віцэ-мэр Мінска Надзея Лазарэвіч прайшла праз затрыманне, муж застаўся ў СІЗА
Каментары