Моўная анамалія. У адным з раёнаў Віцебшчыны толькі 1,44% школьнікаў навучаецца па-беларуску
У Верхнядзвінскім раёне засталася толькі адна беларускамоўная школа на 27 вучняў.
Моўны актывіст Ігар Случак звярнуўся ў розныя раёны краіны, каб атрымаць лічбы, колькі школьнікаў вучацца па-беларуску. Адказы чыноўнікаў ён апублікаваў у твітары.
Здзіўляе сітуацыя ў Верхнядзвінскім раёне Віцебскай вобласці. Агулам па-беларуску тут навучаецца 1,44% школьнікаў.
Адзіная беларускамоўная школа ў раёне — у вёсцы Дзёрнавічы.
Пры гэтым паводле перапісу 2009 года ў Верхнядзвінскім раёне 69% пазначылі беларускую мову роднай. У 2019 годзе такіх было 49%.
Случак прыводзіць сабраную школьную статыстыку па іншых раёнах — нідзе такой анамаліі не відаць.
Па-беларуску ў школах навучаюцца:
- у Пінскім раёне — 68% школьнікаў
- у Столінскім — 57%
- у Янаўскім — 56%
- у Ганцавіцкім — 31%
- у Лунінецкім — 30%
- у Астравецкім — 28%
- у Бераставіцкім — 28%
- у Ляхавіцкім — 25%
- у Драгічынскім — 24%
- у Свіслацкім — 21%
- у Пружанскім — 17%
Летась міністр адукацыі Андрэй Іванец казаў, што агулам у краіне па-беларуску вучыцца 10% школьнікаў.
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
-
Анколаг Каранік выступіў з дакладам аб захаванні буйной рагатай жывёлы
-
Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах
Каментары
Так што атрымліваецца адна беларуская школа на раён.