На адным з японскіх блогаў заўважылі знікненне трэвел-блогера Ether2Kly. Магчыма, гэта той самы японец, пра затрыманне якога ў Беларусі паведамілі японскія ўлады, піша Reform.news.
Ether2Kly падарожнічае па свеце і распавядае аб мясцовым транспарце і інфраструктуры. У апісанні блога паказана, што «Этэру» захапляецца японскай поштай і чыгункамі за мяжой.
1 снежня ў блогу Ether2Kly былі апублікаваныя фота вясковых дамоў, вельмі падобных да драўляных дамоў у Беларусі.
«Стары дом у стылі былога Савецкага Саюза: драўляны, часта ярка афарбаваны», — падпісаў фота блогер.
За 1 снежня ёсць яшчэ некалькі паведамленняў, а затым акаўнты блогера змоўклі.
旧ソ連の一軒家、木造でカラフルがち pic.twitter.com/ayjWA3NecT
Менавіта 1 снежня супольнасць чыгуначнікаў Беларусі паведаміла аб затрыманні японскага грамадзяніна за фота аўтадарожнага моста над чыгуначнымі шляхамі ў Гомельскай вобласці. 17 снежня японскае пасольства ў Беларусі афіцыйна пацвердзіла затрыманне свайго другога грамадзяніна. 16 снежня МЗС Беларусі апавясціла амбасаду аб затрыманні грамадзяніна Японіі.
«Этэру» вёў свой блог ад імя дзяўчыны, хоць у паведамленнях СМІ было пазначана, што затрыманы японец-мужчына. Для падпісчыкаў японскага блога пол «Этэру» стаў нечаканасцю.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Японец приезжает по безвизу в рб, фотает для блога архаичные поезда.
Гэбня ловит очередного «шпиона» и получает медальки.
Клиент маринуется в сизо до нужной степени согласия.