У Драздах здаецца «лакшэры» катэдж за $1800 у месяц. Але там абсалютна голыя сцены
Тры паверхі, схільны дах, прасторныя пакоі, але ёсць адна асаблівасць.
Катэдж, пра які ідзе гаворка, знаходзіцца ў Драздах. «Дом размешчаны ў самым прэстыжным, лакшэры раёне горада Мінска», — адзначана ў аб’яве.
Звычайныя дамы тут звычайна не будуюцца, і гэты — таксама даволі няпросты: тры паверхі, схільны дах, прасторныя пакоі, піша Onliner.by.
Але ёсць адна асаблівасць: дом цалкам гатовы звонку, але абсалютна пусты ўнутры.
Праведзены нейкія камунікацыі, але ў цэлым гэта проста голыя бетонныя сцены.
Агульная плошча катэджа — 300 кв. м.
У аб’яве сказана наўпрост: у дадзены момант дом патрабуе чыставога аздаблення.
Такім чынам, будучым кватарантам давядзецца не толькі плаціць $1800 у месяц за арэнду, але і рабіць рамонт за ўласны кошт.
— Аздабленна на меркаванне арандатара, але ўласнік гатовы даць арэндныя канікулы, — адзначае агент. — Усе ўмовы абмяркоўваюцца індывідуальна. Гатовыя разгледзець усе варыянты.
Зразумела, што калі арандатар возьмецца за рамонт, гэта зойме нямала часу. Таму арэнда прапануецца выключна доўгатэрміновая.
-
У Мінску прадаюць звычайны звонку дом, але з багатым начыннем: пазалотай, ляпнінай і карцінамі на сценах
-
«Засталося ўсяго 6 кватэр у горадзе». На выходныя 9 мая разабралі арэндныя кватэры ў Гродне, Брэсце і Мінску. Цэны ўражваюць
-
У Мінску прадаюць нестандартную 3-узроўневую кватэру. Цана можа прыемна здзівіць
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары