У Жодзіне каля вайсковай часці ў лесе знайшлі паўліна. Спачатку людзі не паверылі сваім вачам. Мясцовыя жыхары нават выклалі відэа ў тыкток і спрабавалі зразумець, адкуль з’явілася птушка. Аднак хутка знайшоўся гаспадар, піша Ex-press.live.
Жыхары Жодзіна згадалі пра ферму ў вёсцы Барсукі, адкуль, магчыма, і паляцеў гэты паўлін. А неўзабаве ў каментарах карыстальнік Андрэй напісаў, што гэта ягоная птушка, і ўсяго ў яго ўцяклі два паўліны. Ён папрасіў, каб у выпадку, калі хто птушак пабачыць, іх лавілі або тэлефанавалі яму. Паўліны былі прывезеныя з Маладзечна.
Гісторыя выклікала шмат каментароў: нехта прапаноўваў вярнуць паўліна гаспадару, нехта сумняваўся ў тым, каму ён сапраўды належыць. Адна жанчына згадала, што мінулай восенню ў яе двары таксама з’явіўся паўлін — змерзлы і мокры. Тады птушку прытулілі ў хляве з курамі, а потым аддалі хлопцу, які сказаў, што гэта ягоная птушка.
У студзені гэтага года жыхары аднаго з дамоў у Барысаве знайшлі паўліна на сваім акне, і тады гаспадары птушкі таксама хутка былі знойдзены.
Гаваркі крумкач, яркія паўліны, мілыя лісіцы і яшчэ шмат дзікіх жывёл знайшлі прытулак у вёсцы непадалёк ад Маладзечна
У Барысаве на акно шматпавярховіка прыляцеў паўлін ФОТАФАКТ
У Гомелі ратавальнікі знялі з даху белага паўліна ФОТАФАКТ
Па Століне дзелавіта хадзіў самы сапраўдны паўлін
Учора ў Вілейцы лавілі Гошу — паўліна, як уцёк ад гаспадароў
Цяпер чытаюць
Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі17
Каментары