Грамадства1414

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін

У сацсетках замежнік паказвае сваю творчую, але даволі складаную працу.

Самех Шабора. Тут і далей скрыншоты яго сацсетак

Егіпцянін Самех Шабора працуе на шклозаводзе «Нёман» у Бярозаўцы ў цэху апрацоўкі ў так званай «шліфоўні». Займаецца гравіроўкай. Калі і чаму мужчына вырашыў прыехаць у Беларусь, дакладна невядома, але першыя фотаздымкі з Мінска з’явіліся ў яго інстаграме яшчэ ў 2021 годзе.

Дарэчы, у тым самым годзе шклозавод «Нёман» расказваў, што пашырыў геаграфію продажу сваіх вырабаў. Спецыяльна для заказчыка з Егіпта на заводзе сумесна з мастакамі з Блізкага Усходу распрацавалі новы асартымент таўстасценных чарак, куфляў і фужэраў. Іх адметнай асаблівасцю былі малюнак з элементамі арабскага мастацтва і масіўная фігурная ножка, якая нагадвала калону мячэці. Посуд з той калекцыі адвезлі ў крамы Егіпта, але і ў Беларусі ён таксама прадаваўся.

У сацсетках Самех паказвае не толькі вынік сваёй творчасці, але і мерапрыемствы на заводзе. Напрыклад, падчас навагодніх свят ён апублікаваў здымак з аднаго з цэхаў: віншаваць завадчан прыйшлі Снягурка і Дзед Мароз з баянам. Мужчына падпісаў фота так: «Шчаслівы з маімі новымі сябрамі».

Удзельнічаў Самех і ў мерапрыемствах, прысвечаных 80-годдзю перамогі ў Другой сусветнай вайне. Ён апублікаваў фота, дзе ў яго на паліто прышпілена чырвона-зялёная стужка з кветкай яблыні, і павіншаваў сяброў з Днём Перамогі.

Імаверна, у Беларусь егіпцянін прыехаў з сям’ёй, бо ў адным з відэа ён паказвае хлопчыка, які таксама спрабуе працаваць са шклом за станком.

Каментары14

  • Гоп
    27.05.2025
    Што туту дадаць… Бадай, што нічога… І з егіпцяніна ватніка зрабілі.
  • выф
    27.05.2025
    очередной провластный нарратив.. играем с огнем....
  • cctld.by
    27.05.2025
    "Оппозиционные журналисты" получили задание успокоить население по поводу завоза иностранной рабочей силы?

Цяпер чытаюць

Беларускі IT-мільярдэр Гурскі: Маю першую жонку забіў гемблер5

Беларускі IT-мільярдэр Гурскі: Маю першую жонку забіў гемблер

Усе навіны →
Усе навіны

У дворыку БНТУ памёр чалавек, які ўцякаў ад міліцыі2

«Усе пытаюцца, навошта гэтыя вяроўкі ў столі?» Мінчук купіў студыю і ператварыў яе ў чылаўт-зону1

Не выязджаў з Беларусі, а трапіў на роўмінг: як жыхар Брэстчыны страціў грошы на мабільнай сувязі

«Адчуў сябе калабком». 22-гадовы беларус збег з войска, пажыў на некалькіх кантынентах, але цяпер яму трэба грошы15

«Да нашай машыны ішла хутчэй за міліцыянтаў». Як у Мядзельскім раёне шукалі зніклую 74-гадовую жанчыну2

Навукоўцы высветлілі, якія прадукты ў рацыёне жанчын сярэдніх гадоў павышаюць шанцы на здаровае старэнне

Пяць гадоў таму ў Гродне затрымалі Сяргея Ціханоўскага6

«Мой тэрмін паўнамоцтваў падыходзіць да канца». Ілан Маск пакідае адміністрацыю Трампа4

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся13

больш чытаных навін
больш лайканых навін

Беларускі IT-мільярдэр Гурскі: Маю першую жонку забіў гемблер5

Беларускі IT-мільярдэр Гурскі: Маю першую жонку забіў гемблер

Галоўнае
Усе навіны →

Заўвага:

 

 

 

 

Закрыць Паведаміць