У Амстэрдаме мужчына нажом параніў людзей. Падазраваны — украінец з Данеччыны
Здарэнне адбылося 27 сакавіка паблізу цэнтральнай плошчы Амстэрдама. Ад дзеянняў мужчыны з нажом пацярпелі 5 чалавек. Нідэрландская паліцыя паведамляе, што нападнік — украінец з Данецкай вобласці, піша нідэрландскі грамадскі вяшчальнік NOS.
27 сакавіка мужчына з нажом напаў на людзей каля амстэрдамскай плошчы Дам. Пасля нападніка паваліў на зямлю брытанскі турыст і трымаў яго да прыбыцця паліцыі.
Паліцыянтам было цяжка высветліць асобу падазраванага, паколькі падчас затрымання ў яго былі дакументы з некалькімі імёнамі. Цяпер, аднак, нідэрландскія праваахоўнікі мяркуюць, што нападнікам мог быць 30-гадовы ўкраінец.
Паліцыя дагэтуль не ўстанавіла матыву нападу. Да расследавання прыцягнутыя спецыялізаваны крымінальны аддзел і паліцэйскія з аддзела барацьбы з тэрарызмам.
Сярод тых, хто пацярпеў у выніку нападу, — 67-гадовая жанчына і 69-гадовы мужчына з ЗША, мужчына 26 гадоў з Польшчы, 73-гадовая жанчына з Бельгіі і 19-гадовая мясцовая жыхарка. Напярэдадні было вядома, што чацвёра пацярпелых яшчэ знаходзіліся ў бальніцы, двое з іх — цяжка параненыя.
Затрыманага таксама шпіталізавалі з раненнем.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары