Пасля некалькіх тыдняў кансультацый паміж краінамі Еўрасаюза, Еўракамісіяй і прамысловымі прадпрыемствамі ЕС у сераду зацвердзіў меры ў адказ на амерыканскія мыты на сталь і алюміній, паведамляе Euronews.
Краіны — члены ЕС у сераду зацвердзілі 25-працэнтныя мыты на шырокі спектр амерыканскіх тавараў, уключаючы міндаль, апельсінавы сок, мяса птушкі, соевыя бабы, сталь і алюміній, тытунь і яхты, у адказ на уведзеныя ЗША 25-працэнтныя тарыфы на імпарт сталі і алюмінія з краін блока.
Гэта першыя меры ў адказ, зробленыя Еўропай у ходзе гандлёвай вайны, якую прэзідэнт ЗША Дональд Трамп пачаў супраць гандлёвых партнёраў па ўсім свеце. «За» іх увядзенне прагаласавалі 26 краін Еўрасаюза, супраць — толькі Венгрыя.
Спіс тавараў, якія мелі трапіць у дакумент, быў прадметам інтэнсіўнага лабіравання з боку краін блока, якія асцерагаюцца мер у адказ ЗША, што могуць ударыць па іх прамысловасці. Так, Францыя, Ірландыя і Італія дамагліся выключэння са спісу амерыканскага віскі (бурбон), пасля таго як Трамп прыгразіў, што яго ўключэнне выкліча ўвядзенне ў адказ збораў на еўрапейскі алкаголь у памеры 200%.
Аб'ём амерыканскага імпарту, які закрануць еўрапейскія зборы, будзе крыху меншы, чым аб'ём экспарту з ЕС, закранутага мытнымі пошлінамі ЗША — прыкладна 22 мільярдаў еўраў супраць 26 мільярдаў еўра ў год.
Уступленне збораў у сілу адкладзенае да 15 красавіка, каб даць магчымасць правесці перамовы з ЗША. Уводзіцца яны будуць паэтапна — з красавіка па снежань.
Акрамя алюмінію і сталі, адміністрацыя Трампа ўвяла мытныя зборы ў памеры 25% на аўтамабілі з ЕС і «люстраныя» зборы ў памеры 20% на ўвесь імпарт з Еўрасаюза. Гэта закранула 70% экспарту ЕС у ЗША.
Еўракамісія цяпер працуе над другім пакетам мер у адказ, які будзе прадстаўлены ў пачатку наступнага тыдня, паведаміла выканаўчая ўлада ЕС у аўторак.
Першы дзень вялікіх тарыфаў Трампа: інвестары пазбаўляюцца ад даляра і аблігацый ЗША
Кітай уводзіць пошліны ў памеры 84% на тавары з ЗША
Трамп пра краіны, супраць якіх увёў пошліны: Яны тэлефануюць, дупу мне цалуюць, хочуць заключыць здзелку
Тарыфы Трампа ўступілі ў сілу
ЗША ўвялі супраць Кітая тарыфы 104%
Ілан Маск і іншыя пратрампаўскія мільярдэры выступілі супраць увядзення новых мытаў
Галыгіна прымусілі апраўдвацца за зварот да сілавікоў у 2020-м17
Каментары