У адным з жоўтых дамоў аўтэнтычнага раёна Мінска прадаецца двухпакаёвая кватэра з добрым рамонтам. Сцяна тут ачышчана да арыгінальнай чырвонай цэглы, ёсць і мілы адкрыты балкон. Гэта самая дарагая на дадзены момант кватэра ў Асмалоўцы.
У адным з жоўтых двухпавярховікаў Асмалоўкі, што на Кісялёва, 27, прадаецца кватэра на апошнім паверсе. Гэта двухпакаёўка ў 54,2 м2. Дом 1949-га года пабудовы, змяшчае 8 кватэр, піша Realt.by.
У кватэры зроблены добры рамонт. У кухні ёсць сучасны гарнітур з неабходнай тэхнікай: убудаваны халадзільнік, духавая шафа, посудамыйная машына, выцяжка, варачная паверхня.
У гасцінай сцяна аздобленая натуральным дрэвам (арэх). Яшчэ адна сцяна вычышчаная да гістарычнай цэглы. Цэгла пакрыта лакам. Побач размясцілася абсталяваная гардэробная.
Сцены ў спальні абклееныя шпалерамі. Там, дзе ляжыць плітка, зроблены падагрэў падлогі. У кватэры таксама заменена праводка, усталяваны кандыцыянер.
Санвузел — сумешчаны, абліцаваны пліткай. Тут абсталявана душавая.
Жамчужына кватэры — аўтэнтычны адкрыты балкон з гасцінай.
Да Нямігі або Плошчы Перамогі можна дабрацца пешшу. Паблізу ёсць кафэ, ходзіць грамадскі транспарт.
Кошт квадратнага метра складае 3 598 даляраў. Кватэра абыйдзецца ў 195 тысяч даляраў.
Цяпер чытаюць
Арыштаваны чыноўнік, які мог стаць наступным міністрам аховы здароўя7
Каментары