Байкеры выехалі з Масквы. Яны хочуць адзначыць 9 Мая каля савецкага мемарыяла ў Трэптаў-парку, піша Bild.
«Гэта будзе сімвалізаваць не толькі перамогу над фашызмам, але і вечныя каштоўнасці мірнага суіснавання і дружбы народаў», — заявілі байкеры.
Аднак застаецца незразумелым, ці атрымаецца ім уехаць у ЕС. Клуб і некаторыя яго члены знаходзяцца пад санкцыямі. У Германіі, прынамсі, ім будуць не рады.
Яшчэ на мінулым тыдні падчас мерапрыемстваў памяці пра Другую сусветную вайну ў Таргау байкеры выступілі як прапагандысты Крамля, падмануўшы службы бяспекі.
Як бы там ні было, выключаць з'яўленне «Начных ваўкоў» у Берліне немагчыма хаця б таму, што клуб мае членаў і ў самой Германіі.
Выязджаючы з Масквы, «Начныя ваўкі» неслі сцягі клуба, а таксама расійскія і нямецкія сцягі. На некаторых матацыклах быў заўважаны сімвал «Z» — забаронены ў Германіі знак расійскай агрэсіі супраць Украіны.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары