Выкладчык "Асноваў патрыятычнага выхаваньня" браў хабар газонакасілкай. Каб яе купіць грошы зьбіралі цэлым курсам
На шэсьць гадоў пазбаўленьня волi асуджаны выкладчык Магiлёўскага дзяржаўнага ўнiвэрсытэту iмя Куляшова за спрыяльныя вырашэньнi пытаньняў пры здачы экзаменаў ды залiкаў студэнтамi 3 i 4 курсаў катэдры фiзычнага выхаваньня.
Сьледзтва даказала, што падчас зімовай сэсii выкладчык атрымаў ад студэнтаў падарункаў на 722 тыс. рублёў. У якасьцi хабару перадавалiся пакункi з прадуктамi ды сьпiртовыя напоi, а аднойчы была падараваная нават газонакасiлка, на якую студэнты зьбiралі грошы цэлым курсам.
Цiкава, што сярод прадметаў, якiя выкладаў асуджаны былi "Асновы патрыятычнага выхаваньня". Былы выкладчык — падпалкоўнiк у адстаўцы, меў цэлы шэраг узнагарод, сярод якiх быў мэдаль "За баявыя заслугi".
Па сьведчаньнях старастаў групаў, выкладчык быў вельмі душэўны. Былi моманты, калi былы пэдагог задаваў пытаньнi i сам на iх адказваў, а калi хто выцягваў 13-ы бiлет, то па вынiках сэмэстру атрымоўваў адзнаку "аўтаматам".
Сам асуджаны спрабаваў апраўдаць сябе тым, што студэнты прыносiлi падарункi выключна на сьвяты — цi то на Новы год, цi то на Хрышчэньне — выключна на памяць пра яго добрае стаўленьне.
Цяпер чытаюць
Маладой маме з Навагрудка далі 6 гадоў за карупцыю. Яна даказала сваю невінаватасць — але калі ўжо адседзела1
Каментары