Лідэр Руху «За Свабоду» звярнуўся да міжнароднай супольнасці з заклікам зрабіць празрыстасць падліку галасоў галоўным крытэрам ацэнкі выбараў.
Лідэр Руху «За Свабоду» звярнуўся да міжнароднай супольнасці з заклікам зрабіць празрыстасць падліку галасоў галоўным крытэрам ацэнкі выбараў.
Аляксандр Мілінкевіч у лісце да кіраўнікоў дыпламатычных місіяў краінаў АБСЕ, у БДІПЧ АБСЕ, у Раду Еўропы, Еўрапейскі парламент і Еўрапейскую камісію акцэнтуе ўвагу на неабходнай умове для прызнання надыходзячых беларускіх выбараў еўрапейскай супольнасцю.
Аляксандр Мілінкевіч адзначае, што мясцовыя выбары, то прайшлі ў красавіку, пераканаўча прадэманстравалі фасаднасць і недастатковасць зменаў выбарчага заканадаўства Беларусі.
На думку лідэра Руху «За Свабоду», сапраўдныя паўнавартасныя выбары можа забяспечыць адно дэмакратычная працэдура іх правядзення. Гэта значыць — уключэнне ў склад выбарчых камісій усіх узроўняў прадстаўнікоў усіх кандыдатаў.
Мілінкевіч прапануе разглядаць уключэнне ў склад выбарчых камісіяў прадстаўнікоў усіх кандыдатаў галоўным крытэрам прызнання выбараў.
«У гэтай сувязі прашу Вас пры ацэнцы Выбарчага Кодэксу і вынікаў выбараў у Беларусі лічыць права на уключэнне прадстаўнікоў незалежных кандыдатаў у камісіі ўсіх узроўняў фундаментальным крытэрам іх празрыстасці. Коратка патрабаванне простае: лічым галасы разам!», − піша Аляксандр Мілінкевіч.
10 жніўня Мілінкевіч звярнуўся з заклікам да палаты прадстаўнікоў. Ён прапануе падчас нечарговай сесіі, што склікаецца 7 верасня, прыняць папраўку ў Выбарчы кодэкс, якая будзе гарантаваць кожнаму незалежнаму кандыдату ў прэзідэнты наяўнасць яго прадстаўнікоў у выбарчых камісіях усіх узроўняў.
Цяпер чытаюць
Маладой маме з Навагрудка далі 6 гадоў за карупцыю. Яна даказала сваю невінаватасць — але калі ўжо адседзела1
Каментары