Скандальны паэт у чарговы раз вярнуўся ў Беларусь.
Скандальны паэт у чарговы раз вярнуўся ў Беларусь.
«НН»: Чаму вырашылі зноў вярнуцца?
СА: «Трэба дома бываць часцей», як пісаў мой калега некалі. Многа спраў назбіралася дома, трэба іх вырашаць.
«НН»: Прыехалі, каб іх вырашыць, а пасля назад, у Нарвегію?
СА: Думаю, прыехаў назаўсёды. Але ніхто не ведае, куды заўтра прыйдзецца рвануць.
«НН»: А чаму ад’язджалі ў сакавіку?
СА: Абумоўлена банальнымі эканамічнымі прычынамі. Складана зарабіць на жыццё. Быў у замежжы, каб падтрымаць сябе фізічна.
«НН»: То бок зарабіць выязджалі?
СА: Трэба было дарабіць там некаторыя справы.
«НН»: Пішуць, што вярнуліся менавіта цяпер, каб прыняць удзел у з’ездзе БХД?
СА: Барані божа. Да БХД не маю дачынення.
«НН»: І чым будзе займацца ў Беларусі?
СА: Зараз бяруся аддаваць рукапісы кніжак у друк. Ёсць чалавек, літаратар, якому я давяраю. З ім паспрабуем выдаць мае кнігі. За свае грошы аўтар будзе выдаваць. На жаль. Фундатары наўрад ці з’явяцца.
***
Славамір Адамовіч у сярэдзіне 1990-х правёў восем месяцаў у следчым ізалятары беларускага КДБ за верш «Забі прэзідэнта». У 2002 выехаў у Нарвегію. Там атрымаў гуманітарны прытулак. Вярнуўся ў Беларусь летам 2009. Сёлета, у сакавіку, зноў з’ехаў у Нарвегію.
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары