«Ну каму сёння трэба, каб «Народная Воля» наступным разам друкавалася ў Маскве, побач з Крамлём?»
Падрыхтоўчае судовае пасяджэнне паводле позвы Міністэрства інфармацыі аб спыненні выхаду недзяржаўнай газеты «Народная Воля» перанеслі з 13 на 17 траўня.
Галоўны рэдактар газеты Іосіф Сярэдзіч пракаментаваў сітуацыю журналістам: «Улада на тое і ёсць улада, каб палохаць слабенькіх. Нас не запалохаць. Мы будзем несці адказнасць за сапраўды свае памылкі, але за тыя памылкі, якія ёсць ключавымі і за якія павінны несці адказнасць і газета, і рэдактура. Калі ставіцца вось такім чынам, як цяпер выкарысталі момант і звярнуліся з позвай прадстаўнікі Міністэрства інфармацыі, то мы далёка зойдзем».
Напярэдадні галоўны рэдактар вядомай газеты звярнуўся да суддзі з просьбай перанесці разгляд справы, бо юрыст Гары Паганяйла не паспеў вярнуцца з замежнай камандзіроўкі, пра што паведаміў напярэдадні вечарам. Суддзя задаволіў гэтую просьбу, паседжанне перанеслі на 17 траўня.
Іосіф Сярэдзіч адзначыў, што падымаецца вялікая грамадская хваля ў падтрыманне «Народнай Волі». Прадстаўнікі Міністэрства інфармацыі сказалі яму, што да іх ідзе вялікая колькасць лістоў і тэлеграмаў з просьбамі, патрабаваннямі, пратэстамі, з тым каб не давесці гэты канфлікт да абсурду. Таму Іосіф Сярэдзіч упэўнены, што калі «Народная Воля» патрэбная не толькі рэдакцыі, але і грамадству, то газета будзе выдавацца.
Тройчы газета выдавалася ў эміграцыі: у Літве, Расеі.
«Ну каму сёння трэба, каб „Народная Воля“ наступным разам друкавалася ў Маскве, побач з Крамлём?»,— задаецца пытаннем Іосіф Сярэдзіч і заклікае: «Давайце друкаваць аб’ектыўную інфармацыю, а як выпраўляць свае памылкі — заканадаўца прадугледзеў: гэта і ўдакладненне, і абвяржэнне, і прабачэнне, калі трэба».
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі10
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары