Праграміст і мультыплікатар з Гродна Алег Мініч, які некалькі гадоў таму мусіў пакінуць Беларусь, ратуючыся ад палітычнага пераследу, атрымаў запрашэнне ад галівудскай студыі ўзяць удзел у стварэнні новага мульціка 3D.
«Gemini Rising» -- першы галівудскі праект, у якім асноўным інструментам для стварэння спецэфектаў будзе Blender. Blender -- гэта праграма для стварэння 3D-анімацыі.
Створаны будзе навукова-фантастычны фільм пра экіпаж NASA, які выявіў закінуты іншапланетны касмічны карабель, блукаючы ў космасе.
Усе гульнявыя сцэны фільма ўжо зняты, на сайце праекта публікуюцца заданні для vfx-мастакоў.
Быў аб'яўлены конкурс. Выстаўляліся заданні і па выніках адбіралася каманда мастакоў, якія будуць працаваць над гэтым праектам.
"Мае работы спадабаліся і мне прапанавалі працу над фільмам. Я буду ствараць спецэфекты. Фільм будзе скончаны да канца 2011 года", -- расказвае Алег Мініч.
Нагадаем, што беларусам Мініч вядомы як аўтар мульцікаў пра Аляксандра Лукашэнкі і ягоную вялікую сям'ю. За гэтыя мульцікі КДБ распачаў супраць Алега крымінальную справу.
Цяпер чытаюць
Анатоль Котаў ужо выязджаў у Турцыю і лічыў яе бяспечнай — крыніцы2
Каментары