Ва Украіне толькі 2% абітурыентаў вырашылі здаваць тэст па рускай мове.Як расказала дырэктар Украінскага цэнтра ацэньвання якасці адукацыі Ірына Зайцава, з 258 тыс. ахвотных прайсці Вонкавае незалежнае тэставанне толькі 6 тысяч выбралі рускую мову.
Тэставанне па рускай мове ва Украіне ў 2011 годзе праводзіцца ўпершыню, і пакуль Зайцава не бачыць прычын ад яго адмаўляцца. Канчатковае рашэнне з гэтай нагоды будзе прынятае па выніках уступнай кампаніі. Вынікі стануць вядомыя 5 ліпеня. 2 чэрвеня пачалося тэставанне па ўкраінскай мове, 10 чэрвеня абітурыенты напішуць тэсты па рускай мове.
З 2010 года ўкраінскія школьнікі паступаюць у ВНУ па выніках тэставання. У школах жа выпускнікі будуць пісаць некалькі выніковых кантрольных работ.
У верасні 2010 года кіраўнік Мінадукацыі Дзмітрый Табачнік, тлумачачы новаўвядзенне, казаў аб адсутнасці палітычнага падтэксту, бо для паступлення ў многія ўкраінскія ВНУ руская мова неабходная. Табачнік тады нагадаў, што ва Украіне ёсць 1800 рускамоўных школ.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас2
Каментары