У адной з самых маляўнічых мясцін Беларусі высечана больш за 15 дубоў.
Гэта было бадай адно з самых вядомых і маляўнічых месцаў па дарозе з Мінска ў Тураў.Адкрытая прыпяцкая абалона ў ваколіцах вёскі Боркі з раскіданымі на адкрытым прасторы
Унікальны ландшафт быў прыязны не толькі для людзей. Тут было адно з апошніх стабільных месцаў гнездавання сіваграка ў Беларусі, і арнітолагі і турысты заўсёды прыпыняліся пры дарозе, каб паназіраць за гэтай цудоўнай птушкай. Тут гняздзіўся пугач і іншыя рэдкія віды.
Гэтым месцам ганарыўся вядомы пінскі эколаг Аляксей Дуброўскі, які прыклаў шмат намаганняў дзеля захавання гэтых дубоў падчас меліярацыі поймы. Летась Аляксей пайшоў з жыцця, і па нейкай злой іроніі, амаль адразу былі знішчаныя і ягоныя дубы.
Усяго высечана больш за 15 дубоў, і працы па высечцы яшчэ працягваюцца.Не пашкадаваныя былі нават дрэвы, на якіх былі размешчаны адмысловыя дуплянкі для сіваграка.
АПБ звярнулася ў Мінпрыроды з запытам высвятліць, на якой падставе былі высечаныя дубы, а таксама з просьбай спрыяць больш жорсткаму кантролю за захаваннем дрэў у пойме Прыпяці. Але назад
Паводле непацверджанай інфармацыі, дубы былі весечаны па загадзе старшыні Гомельскага аблвыканкама, які наведаў рэгіён з інспекцыяй. Лесасечны білет быў выдадзены гаспадарцы «Ляскавічы», падпарадкаванай Кіраўніцтву справаў прэзідэнта, у якой, дарэчы, месціцца адна з рэзідэнцый Аляксандра Лукашэнкі.
«Ляскавічы» — буйны вытворца дубовага паркету.
Каментары